இஸ்ரேல் – சிரியா இடையே போர் நிறுத்த ஒப்பந்தம் கையெழுத்தானது.!

அங்காரா: இஸ்ரேல் – சிரியா இடையே போர் நிறுத்த ஒப்பந்தம் கையெழுத்தானதாக துருக்கிக்கான அமெரிக்க தூதர் டாம் பராக் அறிவித்துள்ளார். இதனால், 2023 அக்டோபர் 7-ம் தேதி முதல் நடந்து வரும் இரு நாடுகள் இடையேயான போருக்கு முடிவு ஏற்படும் சூழல் உருவாகியுள்ளது.

துருக்கிக்கான அமெரிக்க தூதர் டாம் பராக் இதை அறிவித்து, துருக்கி, ஜோர்டான் மற்றும் அண்டை நாடுகள் இந்த போர் நிறுத்தத்தை ஆதரித்ததாகக் கூறினார். மேலும், இதற்கு இஸ்ரேல் பிரதமர் பெஞ்சமின் நெதன்யாகு மற்றும் சிரியாவின் தற்காலிக அதிபர் அகமது அல்-ஷாரா ஆகியோரின் ஒப்புதலுடன் இது உறுதியாகியதாகவும் தகவல்கள் கூறுகின்றன.

சிரியாவின் தெற்கு ட்ரூஸ் ஆதிக்கம் செலுத்தும் மாகாணத்தில் வன்முறை வெடித்ததைத் தொடர்ந்து கடந்த புதன்கிழமை டமாஸ்கஸில் இஸ்ரேல் தாக்குதல்களை நடத்தியது. இதனுடன், தெற்கில் முன்னேறி வரும் அரசாங்கப் படைகளைத் தாக்கி, அவர்கள் பின்வாங்க வேண்டும் என்று கோரியது.

இந்த போர் நிறுத்தத்திற்கு முக்கிய காரணமாக, சிரியாவின் ஸ்வெய்டா பகுதியில் ட்ரூஸ் சமூகத்தினருக்கும், சுன்னி அமைப்புகளுக்கும் இடையே ஏற்பட்ட மோதல்களை அடுத்து, ட்ரூஸ் சமூகத்தின் பாதுகாப்பை உறுதி செய்ய இஸ்ரேல் தலையிட்டது குறிப்பிடப்படுகிறது.

இந்த ஒப்பந்தம் அமெரிக்காவின் மத்தியஸ்தத்துடன் நடைபெற்றதாகவும், அனைத்து தரப்பினரும் ஆயுதங்களை கீழே வைத்து அமைதியான தீர்வை நோக்கி செல்ல வேண்டும் என்று அமெரிக்கா வலியுறுத்தியதாகவும் தெரிவிக்கப்பட்டுள்ளது. மேலும், இந்த ஒப்பந்தம் சிரியாவில் அமைதி, ஸ்திரத்தன்மை மற்றும் பாதுகாப்பை உறுதி செய்யும் முயற்சிகளுக்கு ஆதரவாக இருக்கும் என்று எதிர்பார்க்கப்படுகிறது.

இருப்பினும், இந்த ஒப்பந்தத்தின் விவரங்கள் மற்றும் அதன் செயல்பாட்டு அம்சங்கள் குறித்து முழுமையான தகவல்கள் இன்னும் இறுதி செய்யப்படவில்லை.