ஜெட் வேகத்தில் குறைந்த தங்கம் விலை! இன்றைய நிலவரம் இதுதான்!

சென்னை : ஆகஸ்ட் மாதம் தொடங்கியதில் இருந்தே தங்கம் மற்றும் வெள்ளி விலையானது தொடர்ந்து ஏறுமுகமாகவே காணப்பட்டு வந்த நிலையில், நகைப்பிரியர்களுக்கு சற்று நிம்மதி அளிக்கும் வகையில் இன்றைய நிலவரப்படி தங்கம் விலை சற்று குறைந்துள்ளது.

கடந்த சில நாட்களுக்கு முன்பு வரை தங்கம் விலை கிடுகிடுவென உயர்ந்து வந்த நிலையில், நேற்று முன்தினம் (ஆகஸ்ட் 8) நிலவரப்படி 22 காரட் தங்கம் கிராமுக்கு ரூ.65 உயர்ந்து ஒரு கிராம் ரூ.13,965-க்கும், சவரனுக்கு ரூ.520 அதிகரித்து ஒரு சவரன் ரூ.1,11,720-க்கும் விற்பனை செய்யப்பட்டு உச்சத்தில் இருந்தது.

இந்நிலையில், இன்றைய நிலவரப்படி தங்கம் விலையில் சிறிய அளவிலான குறைவு ஏற்பட்டுள்ளது. அதன்படி, 22 காரட் ஆபரணத் தங்கம் விலை கிராமுக்கு ரூ.15 குறைந்து, ஒரு கிராம் ரூ.13,950 என்ற விலையிலும், சவரனுக்கு ரூ.120 குறைந்து, ஒரு சவரன் ரூ.1,11,600 என்ற விலையிலும் பொதுமக்களுக்கு விற்பனை செய்யப்பட்டு வருகிறது.

இதேபோன்று, 18 காரட் தங்கத்தின் விலையும் குறைந்துள்ளது. அதன்படி, 18 காரட் தங்கம் கிராமுக்கு ரூ.15 குறைந்து ஒரு கிராம் ரூ.11,765-க்கும், சவரனுக்கு ரூ.120 குறைந்து ஒரு சவரன் ரூ.94,120-க்கும் தற்பொழுது விற்பனையாகி வருகிறது.

மறுபுறம், வெள்ளி விலையில் எந்தவிதமான மாற்றமும் இன்றி நேற்றைய நிலையே தொடர்கிறது. அதன்படி, சந்தையில் ஒரு கிராம் வெள்ளி ரூ.250-க்கும், ஒரு கிலோ வெள்ளி ரூ.2,50,000-க்கும் எந்தவித விலை ஏற்ற இறக்கமும் இல்லாமல் வழக்கம் போல விற்பனை செய்யப்பட்டு வருவது குறிப்பிடத்தக்கது.