சென்னை : அதிமுகவின் முன்னாள் ஒருங்கிணைப்பாளரும், முன்னாள் முதலமைச்சருமான ஓ.பன்னீர்செல்வம் (OPS) திமுகவிலிருந்து விலகி, நடிகர் விஜய் தலைமையிலான தமிழக வெற்றிக் கழகத்தில் (TVK) இணையப்போவதாக சமூக வலைதளங்களிலும் ஊடகங்களிலும் மீண்டும் சில தகவல்கள் தீயாய் பரவி வந்தன.
மேலும், தனது சட்டமன்ற உறுப்பினர் (MLA) பதவியை ராஜினாமா செய்துவிட்டு அவர் தவெகவில் இணைய உள்ளதாகவும் அந்தச் செய்திகளில் குறிப்பிடப்பட்டிருந்தது. இந்நிலையில், தன் மீது பரவி வரும் இந்தத் தகவல்களுக்கு முன்னாள் முதலமைச்சர் ஓ.பன்னீர்செல்வம் திட்டவட்டமாக மறுப்புத் தெரிவித்துள்ளார்.
இது குறித்து அவர் அளித்துள்ள விளக்கத்தில், தனது சட்டமன்ற உறுப்பினர் பதவியை ராஜினாமா செய்யப்போவதாகவும், தமிழக வெற்றிக் கழகத்தில் இணையப்போவதாகவும் இணையத்தில் பரவி வரும் செய்திகள் யாவும் முற்றிலும் உண்மைக்குப் புறம்பானவை மற்றும் அடிப்படையற்ற வதந்திகள் என்று தெளிவுபடுத்தியுள்ளார்.
கடந்த சட்டமன்றத் தேர்தலுக்கு முன்பாகத் திமுகவில் இணைந்த ஓ.பன்னீர்செல்வம், போடிநாயக்கனூர் சட்டமன்றத் தொகுதியில் திமுகவின் அதிகாரப்பூர்வ வேட்பாளராகப் போட்டியிட்டு வெற்றி பெற்று தற்சமயம் எம்.எல்.ஏ-வாகப் பதவி வகித்து வருவது குறிப்பிடத்தக்கது. எந்தவிதமான அரசியல் மாற்றமும் இல்லாத சூழலில், அவர் தவெகவில் இணையப் போவதாகத் திட்டமிட்டுப் பரப்பப்படும் வதரிகளுக்கு ஓபிஎஸ் தரப்பு தற்போது முற்றுப்புள்ளி வைத்துள்ளது.