ஒரே போட்டியில் ஆக்ரோஷமாக இரண்டு சதம் விளாசிய வீராங்கனைகள் ..!

இலங்கை மகளிர் அணி ஆஸ்திரேலியாவில் சுற்றுப்பயணம் செய்து 3 டி20 மற்றும் 3 ஒருநாள் போட்டியில் விளையாட உள்ளனர். முதலில் டி20 போட்டியில் விளையாடி வருகின்றனர்.நேற்று நடந்த முதல் டி20 போட்டியில் ஆஸ்திரேலிய அணி டாஸ் வென்று பேட்டிங் தேர்வு செய்தது.

முதலில் களமிறங்கிய ஆஸ்திரேலிய அணி 20 ஓவர் முடிவில் 4 விக்கெட்டை பறிகொடுத்து 217 ரன்கள் எடுத்தது. 218 ரன்கள் இலக்குடன் களமிறங்கிய இலங்கை மகளிர் அணி 176 ரன்களுக்கு 7 விக்கெட்டை இழந்து 41 ரன்கள் வித்தியாசத்தில் தோல்வியைத் தழுவியது.

இப்போட்டியில் ஆஸ்திரேலிய வீராங்கனை பெத் மூனி 61 பந்தில் 113 ரன்கள் அடித்தார். அதில் 20 பவுண்டரி அடங்கும். மேலும் இலங்கை அணியில் கேப்டன் சமாரி 66 பந்தில் 113 ரன்கள் எடுத்தார். அதில் 12 பவுண்டரி 6 சிக்சர்கள் அடங்கும்.இந்நிலையில் டி20-யில் ஒரே போட்டியில்  இரண்டு வீராங்கனைகள் ஒரே ரன்கள் அடித்து சதம் விளாசி இருப்பது இதுவே முதல் முறை ஆகும்.