இதனால் தான் என்னால் சினிமாவில் நிலைத்து நிற்க முடிந்தது! பிரபல நடிகை அதிரடி!

• இதனால் தான் என்னால் சினிமாவில் நிலைத்து நிற்க முடிந்தது.
• சினிமா ரகசியத்தை வெளியிட்ட நடிகை ஸ்ரேயா.

நடிகை ஸ்ரேயா தமிழ் சினிமாவில் முன்னணி நடிகர்களுக்கு ஜோடியாக நடித்துள்ளார். இவர் தமிழ் மட்டுமல்லாது, தெலுங்கு மற்றும் இந்தி மொழிகளிலும் திரைப்படங்களில் நடித்துள்ளார். இவர் 2018-ல் ரஷிய தொழில் அதிபர் ஆண்ட்ரு கோச்சேவை திருமணம் செய்து கொண்டார்.

இவர் சமீபத்தில் அளித்துள்ள பேட்டி ஒன்றில், எனக்கு திருமணமாகி 2 வருடங்கள் ஆகிவிட்டன. திருமணத்துக்கு பிறகும் படங்களில் நடிக்கிறேன். எனது படங்கள் அடுத்தடுத்து திரைக்கு வர உள்ளன. தமிழ் படமொன்றிலும் நடிக்க பேச்சுவார்த்தை நடக்கிறது. தெலுங்கு, இந்தி படங்களில் நடிக்கவும் வாய்ப்புகள் வருகின்றன. சினிமாவில் பெரிய நடிகை, சிறிய நடிகை என்ற பாகுபாடுகள் கிடையாது என்று கூறியுள்ளார்.

மேலும் அவர் கூறுகையில், சினிமா துறையினர் சீனியர், ஜூனியர் என்று வித்தியாசம் பார்த்து இருந்தால் நான் நிலைத்திருக்க முடியாது. கஷ்டப்பட்டு வேலை செய்வதுதான் முக்கியம் என்றும், கடின உழைப்பாளிகளால் சினிமாவில் நீடிக்க முடியும், நான் கஷ்டப்பட்டு உழைத்ததால்தான் நிலைத்து இருக்க முடிந்தது என்று கூறியுள்ளார்.