Chandrayaan3: ஜூலை 14 பொன் எழுத்துக்களில் பொறிக்கப்படும்..! பிரதமர் மோடி ட்வீட்.!

by செந்தில்குமார்Posted on July 14, 2023

ஜூலை 14ம் தேதி பொன் எழுத்துக்களில் பொறிக்கப்படும் என பிரதமர் நரேந்திர மோடி ட்வீட் செய்துள்ளார்.

இந்தியாவின் மூன்றாவது விண்கலமான சந்திராயன்-3 விண்கலம் நிலவின் தென்துருவத்தை நோக்கி இன்று விண்ணில் செலுத்தப்படுகிறது. அதன்படி, ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் உள்ள இரண்டாவது ஏவுதளத்திலிருந்து இன்று பிற்பகல் 2.35 மணிக்கு சந்திராயன்-3 செலுத்தப்பட உள்ளது.

இதற்கான 25 மணிநேர கவுண்டவுன் நேற்று தொடங்கியது. இதற்கிடையில், இன்று விண்ணில் செலுத்தப்படும் சந்திராயன்-3 விண்கலத்தை சுமந்துசெல்லும் LVM-3 ராக்கெட்டிற்கான திரவ எரிபொருள் நிரப்பப்பட்டுள்ளதாகவும், ராக்கெட் ஏவுவதற்கான இறுதிக்கட்ட சோதனையும் நிறைவுற்றதாகவும் இஸ்ரோ தகவல் தெரிவித்துள்ளது.

இந்நிலையில், இந்தியாவின் விண்வெளித் துறையைப் பொறுத்த வரையில் 14 ஜூலை 2023 எப்பொழுதும் பொன் எழுத்துக்களால் பொறிக்கப்படும். சந்திரயான்-3 நமது மூன்றாவது சந்திரப் பயணத்தைத் தொடங்கும். இந்த குறிப்பிடத்தக்க பணி நமது தேசத்தின் நம்பிக்கைகளையும் கனவுகளையும் சுமந்து செல்லும் என்று பிரதமர் மோடி ட்வீட் செய்துள்ளார்.

14th July 2023 will always be etched in golden letters as far as India’s space sector is concerned. Chandrayaan-3, our third lunar mission, will embark on its journey. This remarkable mission will carry the hopes and dreams of our nation. pic.twitter.com/EYTcDphaES

— Narendra Modi (@narendramodi) July 14, 2023