‘கேப்டன் மில்லர்’ படத்தை இணையத்தில் வெளியிட தடை.!

captain Miller [file image]

நடிகர் தனுஷ் தற்போது அருண் மாதேஸ்வரன் இயக்கத்தில் உருவாகியுள்ள ‘கேப்டன் மில்லர்’ படத்தில் நடித்து முடித்துள்ளார். இப்படம் ரிலீஸுக்கு இன்னும் மூன்று நாட்களே உள்ள நிலையில், படத்தின் நான்காவது சிங்கிள் பாடலை இன்று படக்குழு வெளியிட்டுள்ளனர்

மேலும், இந்த திரைப்படம் வரும் பொங்கல் பண்டிகையை முன்னிட்டு வரும் ஜனவரி 12-இல் திரையரங்குகளில் வெளியாக உள்ளது. இந்நிலையில், கேப்டன் மில்லர் படத்தை சட்டவிரோதமாக இணையதளங்களில் வெளியிட தடை விதித்து ஐகோர்ட் உத்தரவிட்டுள்ளது.

அதோடு, சுமார் 1,166 இணையதளங்களில் படத்தை சட்டவிரோதமாக வெளியிடுவதை தடுக்க இணையதள சேவை நிறுவனங்களுக்கும் உத்தரவிட்டுள்ளது. பொதுவாக புதுப்படம் வெளியாகிறது என்றால், அதனை திருட்டு தனமாக எடுத்து ரிலீஸ் செய்வது வழக்கம். அதனை தடுக்கும் வகையில், படம் வெளியாவதற்கு படக்குழு இது போன்ற நடவடிக்கைகள் எடுக்கும்.

கேப்டன் மில்லர் படத்திற்காக நடிகர் தனுஷ் வாங்கிய சம்பளம் எவ்வளவு தெரியுமா?

நிவேதிதா சதீஷ், விநாயகன், சுந்தீப் கிஷன், ஜான் கொக்கன், நாசர், வினோத் கிஷன் உள்ளிட்ட பல பிரபலங்களும் முக்கியமான கதாபாத்திரங்களில் நடித்து இருக்கிறார்கள். படத்தை சத்யஜோதி பிலிம்ஸ் நிறுவனம் தயாரிக்க படத்திற்கு இசையமைப்பாளர் ஜிவி பிரகாஷ் இசையமைத்துள்ளார்.