12 வயதில் 5 பட்டப்படிப்பு… அமெரிக்காவில் சிறுவன் அசத்தல் சாதனை.!

Hang US 5Degrees [Image- twitter/@officialellenk]

அமெரிக்காவில் 12 வயது சிறுவன் கல்லூரியில் 5 டிகிரி பெற்று அசத்தல் சாதனை படைத்துள்ளார்.

க்ளோவிஸ் ஹங் என்ற 12 வயது சிறுவன் அமெரிக்காவின் புல்லர்டன் கல்லூரியில், மிகவும் இளம் வயதில் பட்டதாரியாகி சாதனை படைத்துள்ளார். க்ளோவிஸ் ஹங், ஐந்து அசோசியேட் பட்டங்களைப் பெற்றுள்ளார், மற்றும் ஆறாவது பட்டத்தை அடுத்த ஆண்டு பெற  திட்டமிட்டுள்ளார்.

ஹங், வரலாறு, சமூக அறிவியல், சமூக நடத்தை மற்றும் சுய வளர்ச்சி, கலை மற்றும் மனித வெளிப்பாடு, மற்றும் அறிவியல் மற்றும் கணிதம் ஆகிய 5 துறைகளில் பட்டம் பெற்றுள்ளார். இது குறித்து அவரது தாயார், சாங் சோய் கூறும்போது, ஹங் எப்போதும் தன்னைத்தானே ஊக்கப்படுத்திக் கொண்டே, இலக்குகளை நிர்ணயித்து அதை நோக்கி செல்பவர்.

இதனால் தான் அவரை கடந்த 2019இல் பள்ளியிலிருந்து நீக்கி, வீட்டில் இருந்து படிக்க வைக்க முடிந்தது. பள்ளி கல்வி முறை அவரின் ஆர்வத்திற்கு  போதுமானதாக இல்லை, எனவே, கல்லூரி அவருக்கு சிறந்த தேர்வாக இருந்தது என்று ஹங்கின் தாயார் தெரிவித்தார்.

அதே நேரத்தில் வீட்டுக்கல்வி பாடத்திட்டத்தை முடித்த க்ளோவிஸ் ஹங், புல்லர்டன் கல்லூரியில் “சிறப்பு சேர்க்கை” திட்டத்தின் கீழ், கல்லூரி வகுப்புகளில் சேர முடிந்தது என ஹங் தாயார் மேலும் கூறினார்.