தென்னாப்பிரிக்கா செய்தித்தாளில் சந்திரயான்-3: இணைந்து படித்த பிரதமர் மோடி – பிரேசில் அதிபர்!

PM, Brazil President [file image]

தென்னாபிரிக்காவின் மிகப்பெரிய நகரமான ஜோகன்னஸ்பர்க்கில் நடைபெற்ற பிரிக்ஸ் உச்சி மாநாட்டில் பிரேசில் அதிபருடன் இணைந்து, தென்னாப்பிரிக்காவின் முக்கிய செய்தித்தாள் ஒன்றில், நிலவில் சந்திரயான்-3 தரையிறங்கிய வரலாற்று சிறப்புமிக்க கட்டுரையை பிரதமர் நரேந்திர மோடி படிக்கும் புகைப்படத்தை வெளியுறவுத்துறை அமைச்சர் ஜெய்சங்கர் ட்வீட் செய்துள்ளார்.

அவர் பகிர்ந்து கொண்ட அந்த புகைப்படத்தில், “இந்தியாவின் மோடி இந்த உலகத்திலிருந்து வெளியேறினார்” என்று தென்னாப்பிரிக்காவின் ‘தி ஸ்டார்’ செய்தித்தாளில் தலைப்புச் செய்தி இடம்பெற்று இருந்தது.

பிரிக்ஸ் மாநாட்டிற்காக பிரதமர் மோடி தற்போது ஜோகன்னஸ்பர்க் சென்றுள்ளார். சந்திரயான்-3 நிலவில் தரையிறங்குவதை காணொலி வாயிலாக அங்கிருந்து பார்த்திருந்தார். வரலாற்று சிறப்புமிக்க தரையிறங்கிய பின்னர் இஸ்ரோவுக்கு வாழ்த்துகள் மற்றும் சிறப்புரையும் வழங்கினார்.