WTCFinal2023 [Image source: file image ]
உலக டெஸ்ட் சாம்பியன்ஷிப் இறுதிப்போட்டி இங்கிலாந்தின் ஓவல் மைதானத்தில் வரும் ஜூன் 7ம் தேதி நடைபெறுகிறது. இந்த போட்டியில், ரோஹித் ஷர்மா தலைமையிலான இந்திய அணியும், பேட் கம்மின்ஸ் தலைமையிலான ஆஸ்திரேலிய அணியும் மோதுகிறது.
ஐசிசி உலக டெஸ்ட் சாம்பியன்ஷிப் இறுதிப்போட்டிக்கு இன்னும் 6 நாட்களே உள்ள நிலையில், இங்கிலாந்து சென்றுள்ள இந்திய அணி வீரர்கள் தீவிரமாக பயிற்சி மேற்கொண்டு வருகின்றனர். அதைப்போல, மற்றோரு பக்கம் ஆஸ்திரேலிய அணி ஒரு மாதத்திற்கு மேலாக இங்கிலாந்திலேயே முகாமிட்டு தீவிர பயிற்சியில் ஈடுபட்டு வருகிறது.
குறிப்பாக ரோஹித் ஷர்மா, விராட் கோலி, புஜாரா, அக்சர் பட்டேல், முகமது சிராஜ், உமேஷ் யாதவ், ஜெய்தேவ் உனத்கட்,ஷர்துல் தாக்கூர் உள்ளிட்டோர் இங்கிலாந்தில் தீவீரமாக பயிற்சி எடுத்துவருகிறார்கள். குறிப்பாக இந்திய அணியின் பந்துவீச்சாளர்கள் மிகவும் தீவிரமான பயிற்சியை மேற்கொண்டு வருகிறார்கள். மேலும், ஐபிஎல் கிரிக்கெட் போட்டி முடிந்து இந்திய வீரர்கள் மற்றும் ஆஸ்திரேலியா அணி வீரர்கள் பலரும் இங்கிலாந்திற்கு சென்று உலக டெஸ்ட் சாம்பியன்ஷிப் போட்டிக்கு கூடுதலாக பயிற்சி எடுத்து வருகிறார்கள்.
ஐபிஎல் இறுதிப்போட்டியில் சென்னை அணியும், குஜராத் அணியும், நேற்று முன்தினம் மோதியது. எனவே இந்த 2 அணிகளிலும் விளையாடிய சில இந்திய வீரர்கள் இன்னும் உலக டெஸ்ட் சாம்பியன்ஷிப் போட்டிக்காக இங்கிலாந்திற்கு செல்லாமல் இருக்கிறார்கள். குறிப்பாக சென்னை வீரர் ரவீந்தர ஜடேஜா, ரஹானே, ஆகியோர் சென்னையில் தான் இருக்கிறார். அதைப்போல முகமது ஷமி இன்னும் இங்கிலாந்திற்கு செல்லவில்லை. விரைவில் அவரும் இந்திய அணியின் பயிற்சியில் இணைவார் என எதிர்பார்க்கப்படுகிறது.
மேலும், கடந்த உலக டெஸ்ட் சாம்பியன்ஷிப் இறுதிப்போட்டி இந்திய அணி சென்ற நிலையில், நியூசிலாந்து அணியிடம் தோல்வி அடைந்தது. இதனை தொடர்ந்து இந்த முறை, ஆஸ்திரேலியாவுக்கு எதிராக வெற்றி பெற வேண்டும் என்ற முனைப்பில் இந்திய அணி உள்ளது என்பது குறிப்பிடத்தக்கது.
இந்திய அணி வீரர்கள்
ரோஹித் சர்மா (கேப்டன்), ரவிச்சந்திரன் அஷ்வின், கே.எஸ்.பாரத், ஷுப்மன் கில், ரவீந்திர ஜடேஜா, விராட் கோலி, இஷான் கிஷன், சேதேஷ்வர் புஜாரா, அக்சர் படேல், அஜிங்க்யா ரஹானே, முகமது ஷமி, முகமது சிராஜ், ஷர்துல் தாக்கூர், ஜெய்தேவ் உனத்கட், உமேஷ் யாத்.
ஆஸ்திரேலியா வீரர்கள்
பேட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, கேமரூன் கிரீன், மார்கஸ் ஹாரிஸ், ஜோஷ் ஹேசில்வுட், டிராவிஸ் ஹெட், உஸ்மான் கவாஜா, மார்னஸ் லாபுசாக்னே, நாதன் லியோன், ஜோஷ் இங்கிலிஸ், டாட் மர்பி, ஸ்டீவ் ஸ்மித், மிட்செல் ஸ்டார்க், டேவிட் வார்னர்.
டெல்லி : ஐபிஎல் தொடரில் புதிய வீரர்களை இணைக்க பிசிசிஐ அனுமதி வழங்கியுள்ளது. ஐபிஎல் தொடர் ஒரு வாரம் ஒத்திவைக்கப்பட்டதால்…
டெல்லி : மத்தியப் பிரதேச அமைச்சர் குன்வர் விஜய் ஷாவின் சகோதரி கர்னல் சோபியா குரேஷிக்கு எதிராக பயங்கரவாதிகளின் கருத்தை…
சென்னை : வக்ஃப் மசோதா வழக்கில் நீதிமன்றத்தின் இடைக்கால நடவடிக்கையில் தவெக முக்கிய பங்காற்றியது என்றும், சிறுபான்மையினர் உரிமைகளை காக்கும்…
ஒடிசா : இந்தியாவின் டிரோன் எதிர்ப்பு ராக்கெட் ''பார்கவஸ்த்ரா'' ஒடிசாவின் கோபால்பூரில் வெற்றிகரமாக பரிசோதிக்கப்பட்டது. குறைந்த செலவில் SDAL நிறுவனம்…
சென்னை : 2026 சட்டமன்ற தேர்தல் நெருங்கியுள்ள நிலையில், எந்த கட்சிகள் எந்தெந்த கட்சிகளுடன் கூட்டணி வைக்க போகிறது என்பதற்கான எதிர்பார்புகள்…
சென்னை : தென்மேற்கு வங்கக்கடல் மற்றும் அதனை ஒட்டிய தமிழக கடலோரப்பகுதிகளின் மேல் ஒரு வளி மண்டல கீழடுக்கு சுழற்சி…
