தெறிக்கவிடும் போஸ்டர்! சுட சுட வெளியான ‘கோட்’ ட்ரைலர் அப்டேட்!

GOAT movie trailer Update [Image : actorvijay]

சென்னை : இயக்குனர் வெங்கட் பிரபு இயக்கத்தில், விஜய் நடிப்பில் வரும் செப்டம்பர்- 5ம் தேதி திரையரங்குகளில் வெளியாக உள்ள ‘தி கோட்’ படத்தின் ட்ரைலர் அப்டேட்டை தெறிக்கவிடும் போஸ்டருடன் படக்குழு தற்போது வெளியிட்டுள்ளது.

நடிகர் விஜயின் 68-வது படம் தான் ‘தி கோட்’, ஆரம்பத்தில் இயக்குனர் வெங்கட் பிரபுவுடன், விஜய் இணைந்து பணியாற்றுகிறார் என்ற செய்தி வெளியானது முதல் கிளம்பிய எதிர்பார்ப்பு தான் தற்போது வரையில் நீடித்து வருகிறது. நாளுக்கு நாள் ரசிகர்களின் எதிர்பார்ப்பு கூடி கொண்டே இருக்கிறது. அதற்கு தகுந்தது போல படக்குழுவும் ரசிகர்களை இடைவிடாது புது புது அப்டேட்களை கொடுத்து மகிழ்வித்து வருகின்றனர்.

இந்நிலையில், அடுத்த கட்டமாக விஜய் ரசிகர்கள் எதிர்பார்க்கும் ஒன்று தான் ‘கோட்’ படத்தின் ட்ரைலர். இந்த படத்தின் ட்ரைலருக்கான அப்டேட் நேற்றைய நாள் வெளியாகும் என எதிர்பார்த்த நிலையில், ட்ரைலரில் ஒரு சில எடிட்டிங் வேலை முடிவடையாமல் இருப்பதால் இன்று (வியாழக்கிழமை) ட்ரைலர் வெளியிடும் தேதியை அறிவிப்பதாக படக்குழு அறிவித்தது.

அதன்படி, இன்று மாலை இந்த ட்ரைலருக்கான அப்டேட்டை  வரும் 17-ம் தேதி அதாவது வரும் சனிக்கிழமை மாலை 5 மணிக்கு வெளியாகும் என ‘போஸ்டருடன் ஒரு அறிவிப்பை’ படக்குழு தற்போது அறிவித்துள்ளது. மேலும், அந்த போஸ்டரில் நடிகர் விஜயின் தெறிக்க விடும் மாஸான ஸ்டில் இணையத்தை கலக்கி வருகிறது. இந்த அப்டேட் வெளியானது முதல் விஜய் ரசிகர்கள் மிகுந்த மகிழ்ச்சியில் ட்ரைலருக்காக ஆவலாக காத்திருக்கின்றனர்.