சந்தானம் நடித்துள்ள ‘கிக்’ படத்தின் டீசர் வெளியானது!

Santhanam - kick [file image]

சந்தானம் நடித்திருக்கும் அடுத்த படமான ‘கிக்’இன் டிரைலர் வெளியாகியிருக்கிறது. கடந்த மாதம் வெளியான ‘டிடி ரிட்டர்ன்ஸ்’ மிகப்பெரிய வெற்றியை கண்டுள்ளதால் ‘கிக்’ படத்தின் மீதான எதிர்பார்ப்பு அதிகரித்துள்ளது.

டீசரை வைத்து பார்க்கும்பொழுது, வழக்கமான காமெடி, காதல் என அனைத்திலும் ரசிகர்களை மீண்டு கவர்ந்திருக்கிறார்.  மீண்டும் தனது பழைய பாணியில் நடித்துள்ள சந்தானத்தின் இந்த திரைப்படத்தை இயக்குனர் பிரசாந்த் ராஜ் எழுதி இயக்கியுள்ளார்.

படத்தில் தான்யா ஹோப் கதாநாயகியாக நடிக்க, கிக் படத்தில் செந்தில், மன்சூர் அலிகான், தம்பி ராமையா, செந்தில், பிரம்மானந்தம், சந்து கோகிலா, மனோபாலா, ஒய்.ஜி.மகேந்திரன், ராஜேந்திரன் மற்றும் வையாபுரி ஆகியோர் நடித்துள்ளனர்.

கிக் படம் செப்டம்பர் 1 ஆம் தேதி திரையரங்குகளில் வரும் என்று அறிவிக்கப்பட்டுள்ளது.  கிக் படத்திற்கு அருண் ஜன்யா இசையமைக்க, இதற்கு சுதாகர் எஸ் ராஜ் ஒளிப்பதிவும், நாகூரான் ராமச்சந்திரன் படத்தொகுப்பும் செய்துள்ளார். படம் யு/ஏ சென்சார் சான்றிதழ் பெற்றுஉள்ளது.