சரத்குமார் – ராதிகா – வரலட்சுமி சரத்குமார் : மூவரும் ஒரே படத்தில்! கிராமத்து பின்னணியில் பிறந்தாள் பராசக்தி டீசர் இதோ!

தமிழ் சினிமாவின் முக்கிய திரைப்பிரபலங்களான, சரத்குமார், அவரது மனைவியும் நடிகையுமான ராதிகா சரத்குமாரும் தற்போது இணைந்து ஒரு புதிய படத்தில் நடித்துள்ளனர். இந்த படத்தில் சரத்குமாரின் மூத்த மகளும், நடிகையுமான வரலட்சுமி சரத்குமார் முக்கிய கதாபாத்திரத்தில் நடித்துள்ளார். இந்த படத்திற்கு பிறந்தாள் பராசக்தி எனும் பெயர் வைக்கப்பட்டுள்ளது.

இப்படத்தை ஓம் விஜய் என்பவர் இயக்கியுள்ளார். என்.ஆர்.ரகுநாதன் இசையமைத்துள்ளார். வைரமுத்து பாடல்கள் எழுதியுள்ளார். இப்படத்தை சரத்குமாரின் குடும்ப நிறுவனமான ராடன் நிறுவனம் தயாரித்துள்ளது. இப்படத்தின் டீஸர் தற்போது வெளியிடப்பட்டுள்ளது. இதில் செம்மறி ஆடுகளை வைத்து சண்டையிடும் விளையாட்டை முக்கியமாக வைத்து படம் எடுக்கப்பட்டுள்ளது என தெரிகிறது. விரைவில் இப்படத்திற்கான அடுத்த அப்டேட் வெளியாகும் என எதிர்பார்க்கப்படுகிறது.