Viji : மர்மமான மரணம்? ‘கோழி கூவுது’ விஜி பற்றி யாருக்கும் தெரியாத சீக்ரெட்!

Kozhi Koovuthu viji [file image]

1982 ஆம் ஆண்டு  கங்கை அமரன் இயக்கத்தில் வெளியான கோழி கூவுது திரைப்படத்தில் நடித்ததன் மூலம் மிகவும் பிரபலமானவர் நடிகை விஜி. இந்த திரைப்படத்தில் நடித்துமுடித்த பிறகு தான் இவருக்கு பல படங்களில் நடிக்க வாய்ப்பு வந்தது என்றே கூறலாம். இந்த படத்தில் அவர் நடித்து முடித்த பிறகு விஜியை பலரும் கோழி கூவுது விஜி  என்று தான் அழைத்தனர்.

இந்த திரைப்படத்தை தொடர்ந்து நடிகை விஜி அடுத்ததாக சாட்சி, பொய்க்கால் குதிரை, என் பிரியமே, உள்ளம் உருகுதடி, சூரியன், பூவே உனக்காக உள்ளிட்ட பல படங்களில் தொடர்ச்சியாக நடித்தார். இவர் நடித்த படங்களும் இவருக்கு வெற்றியை தேடி தந்தது. எந்த மாதிரி கதாபாத்திரங்கள் கொடுத்தாலும் நடித்து கொடுக்க கூடிய ஒரு நல்ல நடிகையும் இவர்.

இந்நிலையில், நடிகை விஜி நடிக்க வந்த ஆரம்ப காலகட்டத்தில் சினிமா மீது ஆர்வமே இல்லாமல் தான் நடித்து வந்தாராம். அவருடைய தந்தை நீ சினிமாவில் நடி என வற்புறுத்தியதன் காரணமாக தான் அவர் சினிமாவிற்குள் வந்தாராம். நடிகை என்பதையும் தாண்டி சிறிய வயதிலே நடிகை விஜி சிலம்பம் மற்றும் கராத்தே ஆகியவற்றை கற்றுக்கொள்ளவும் செய்தாராம்.

சினிமாவில் இவர் தொடர்ச்சியாக நடித்து வந்த காலகட்டத்தில் ஒரு இயக்குனருடன் பழக்கம் ஏற்பட்டதாகவும், அந்த பழக்கம் காதலாக மாற அந்த இயக்குனரை  விஜி தீவிரமாக காதலித்தாராம். பிறகு இவர் காதலிப்பதாக அந்த தகவல் வெளியே வர கொஞ்சம் விஜிக்கு மார்க்கெட் குறைந்ததாம்.

அந்த இயக்குனரும் நடிகை விஜியும் காதலிப்பதாக பரவிய தகவலை அடுத்து அந்த இயக்குனரிடம் இந்த கேள்வியை சிலர் அந்த சமயம் கேட்டார்களாம் அதற்கு அந்த இயக்குனர் நாங்கள் இருவரும் நல்ல நண்பர்கள் என கூறினாராம். அதன் பிறகு தான் கோழி கூவுது விஜி மர்மமான முறையில் மரணமடைந்தார் எனவும் பயில்வான் ரங்கநாதன் தெரிவித்துள்ளார்.

தொடர்ச்சியாக படங்களில் நடித்து வந்த விஜி கடைசியாக கடந்த 2000-ஆம் ஆண்டு வெளியான சிம்மாசனம் எனும் திரைப்படத்தில் நடித்திருந்தார். அதன்பிறகு அதே ஆண்டில் நவம்பர் மாதம் மர்மமான முறையில் இறந்தார். இவருடைய மறைவு எப்படி நடந்தது என இன்று வரை தெளிவான தகவல் வெளியாகவில்லை என்பது குறிப்பிடத்தக்கது.