இந்தியாவின் அந்நிய செலாவணி இருப்பு ஜூலை 31 ஆம் தேதியுடன் முடிவடைந்த வாரத்தில் 11.9 பில்லியன் டாலர் உயர்ந்து 534.5 பில்லியன் டாலர்களை எட்டியுள்ளது. உண்மையில், கடந்த 10 மாதங்களில், நாட்டின் அந்நிய செலாவணி இருப்பு 100 பில்லியன் டாலர் அதிகரித்துள்ளது.
வெளிநாட்டு போர்ட்ஃபோலியோ முதலீடு (எஃப்.பி.ஐ) மற்றும் அந்நிய நேரடி முதலீடு (எஃப்.டி.ஐ) ,குறைந்த கச்சா எண்ணெய் விலை, தங்கம் மற்றும் பிற இறக்குமதிகள் குறைவு மூலம் இருப்புக்கள் அதிகரித்துள்ளது. கடந்த வெள்ளிக்கிழமை வெளியிடப்பட்ட இந்திய ரிசர்வ் வங்கி (ஆர்.பி.ஐ) அறிக்கையின் படி, ஜூலை 31 ஆம் தேதியுடன் வெளிநாட்டு நாணய சொத்துக்கள் 10.3 பில்லியன் அதிகரித்து 490.8 பில்லியனாக அதிகரித்துள்ளது. தங்க இருப்பு கூட 1.5 பில்லியன் அதிகரித்து 37.6 பில்லியனாக இருந்தது.
ஏப்ரல் 21, 2020 அன்று டாலரின் மதிப்பு ரூபாய் 76.97 ஆக உயர்ந்தபோது, கடந்த மூன்று மாதங்களில் 74.93 ஆக குறைந்துள்ளது. கடந்த ஏப்ரல் 1 முதல் ஜூலை 31 வரை அந்நிய செலாவணி இருப்பு இருப்பு 60 பில்லியன் டாலர் உயர்ந்துள்ளது. இந்தியாவுக்கு ஒரு பெரிய இறக்குமதி அங்கமாக இருந்த தங்கம், கொரோனா மற்றும் ஊரடங்கு காரணமாக 2020 ஆம் ஆண்டு ஜூன் மாதத்துடன் முடிவடைந்த காலாண்டில் சரிவைக் கண்டது.
உலக தங்க கவுன்சில் (WGC) கருத்துப்படி, தங்க இறக்குமதி காலாண்டில் 95 சதவீதம் சரிந்து 11.6 டன்னாக இருந்தது. இது ஒரு வருடத்திற்கு முன்பு இதே காலகட்டத்தில் 247.4 டன்னாக இருந்தது. ஜூன் காலாண்டில் பரிவர்த்தனை செய்யப்பட்ட தங்கத்தின் மதிப்பு ரூ .26,600 கோடியாக குறைந்துள்ளது. இது கடந்த ஜூன் காலாண்டுடன் ஒப்பிடுகையில் 57 சதவீதம் குறைவாகும். ஒரு வருடம் முன்பு ரூ .62,420 கோடியாக இருந்தது.
பொருளாதார செயல்பாடு மற்றும் வளர்ச்சியைக் குறைக்கும் காலங்களில் அந்நிய செலாவணி இருப்புக்கள் அதிகரித்து வருகிறது. இந்தியாவின் அந்நிய செலாவணி இருப்பு கடந்த ஆண்டு செப்டம்பர் மாதம் முதல் கணிசமாக உயரத் தொடங்கியது. கடந்த ஆண்டு செப்டம்பர் 27 ஆம் தேதியுடன் முடிவடைந்த வாரத்தில் இருப்பு 433.6 பில்லியனாக இருந்தது. கடந்த 10 மாதங்களில் மட்டுமே 100 பில்லியன் டாலர் உயர்ந்துள்ளது.
மும்பை: ஐபிஎல் 2025 இன் 56-வது போட்டி இன்று மும்பை இந்தியன்ஸ் மற்றும் குஜராத் டைட்டன்ஸ் அணிகளுக்கு இடையே மும்பையில்…
சென்னை : அண்ணா அறிவாலயத்தில் நடைபெற்ற நிகழ்ச்சியில் கழகத் தலைவரும், முதலமைச்சருமான மு.க. ஸ்டாலின் முன்னிலையில் மயிலாடுதுறை மாவட்டத்தைச் சார்ந்த…
மும்பை : ஐபிஎல் 2025 இன் 56-வது போட்டி இன்று மும்பையில் உள்ள வான்கடே மைதானத்தில் மும்பை இந்தியன்ஸ் மற்றும்…
டெல்லி : ராஜஸ்தான்-பாகிஸ்தான் எல்லையில் நாளை (மே-7) மாலை 3.30 மணியில் இருந்து மே -8 காலை 9.30 மணி…
பாகிஸ்தான் : பாகிஸ்தானின் தெற்கு மாகாணமான பலுசிஸ்தான் மாகாணத்தில் ராணுவ வாகனத் தொடரணியை குறிவைத்து சக்திவாய்ந்த வெடிகுண்டு (IED) வெடித்ததில்…
குப்வாரா : ஜம்மு-காஷ்மீரின் குப்வாரா மாவட்டத்தில் உள்ள கட்டுப்பாட்டுக் கோட்டுக்கு அருகே இன்று, இராணுவ வாகனம் பள்ளத்தாக்கில் உருண்டு விழுந்ததில்…
