கொரோனாவால் சத்தீஸ்கர் மாநில முன்னாள் அமைச்சர் சனேஷ் ராம் ரதியா காலமானார்.!

சத்தீஸ்கர் மாநில முன்னாள் அமைச்சர் சனேஷ் ராம் ரதியா கொரோனா தொற்று காரணமாக இன்று காலை காலமானார்.

காங்கிரஸ் கட்சி மூத்த தலைவரும், சத்தீஸ்கர் மாநில முன்னாள் அமைச்சருமான சனேஷ் ராம் ரதியா உடல்நலக்குறைவால் கடந்த சனிக்கிழமை அன்று ராய்கரில் உள்ள தனியார் மருத்துவமனை ஒன்றில் அனுமதிக்கப்பட்டார். அப்போது, அவருக்கு பரிசோதனை மேற்கொண்டதில் கொரோனா தொற்று இருப்பது உறுதியானது. இதனையடுத்து, சிகிச்சை பெற்று வந்த அவர், சிகிச்சை பலனின்றி இன்று அதிகாலை 1 மணி அளவில் காலமானார்.

இதனிடையே, அவர் வடக்கு சத்தீஸ்கரைச் சேர்ந்த பழங்குடியினத் தலைவரான 1977-ஆம் ஆண்டில், அப்போதைய பிரிக்கப்படாத மத்தியப் பிரதேசத்தில் உள்ள தரம்ஜெய்கர் தொகுதியில் முதல் முறையாக எம்.எல்.ஏ.வாக தேர்ந்தெடுக்கப்பட்டார். பின்னர் ஐந்து சட்டப்பேரவைத் தேர்தல்களில் ஒரே தொகுதியில் தொடர்ச்சியாக வெற்றி பெற்றவரும் ஆவர்.

மத்தியப் பிரதேசத்தில் திக்விஜய் சிங் தலைமையிலான காங்கிரஸ் ஆட்சியில் கால்நடை வளர்ப்புத் துறை அமைச்சராகவும், 2000ல் சத்தீஸ்கர் மாநிலம் தனியே பிரிக்கப்பட்ட பின்னர் அஜித் ஜோகி தலைமையிலான அரசில் உணவுத் துறை அமைச்சராக இருந்துள்ளார் என்பது குறிப்பிடத்தக்கது.