#BREAKING : பத்ம சேஷாத்ரி பள்ளி ஆசிரியர் ராஜகோபாலன் மீது பாய்ந்தது குண்டர் சட்டம்….! சென்னை மாநகர காவல் ஆணையர் அதிரடி…!

பத்ம சேஷாத்ரி பள்ளி ஆசிரியர் ராஜகோபாலன் மீது பாய்ந்தது குண்டர் சட்டம்.

சென்னையில் உள்ள பத்ம சேஷாத்ரி பள்ளியில், வணிகவியல் ஆசிரியராக பணியாற்றியவர் ராஜகோபாலன். இவர் அங்கு பயின்ற மாணவிகளுக்கு ஆன்லைன் வகுப்பின் போது, பாலியல் தொந்தரவு கொடுத்ததாக புகார் தெரிவிக்கப்பட்டது.

இந்த புகாரின் அடிப்படையில், அசோக்நகர் அனைத்து மகளீர் போலிஸார் அவரை கைது செய்து, ஆசிரியர் ராஜகோபாலனிடம் விசாரணை நடத்தினர். பல ஆண்டுகளாகவே மாணவிகளுக்கு பாலியல் தொல்லை கொடுத்தது விசாரணையில் தெரியவர பின்னர் ராஜகோபாலனை காவல்துறையினர் கைது செய்தனர்.

இதனையடுத்து,அவர் ஜாமீன் கேட்டு நீதிமன்றத்தில் மனுதாக்கல் செய்திருந்த நிலையில், நீதிமன்றம் அந்த மனுவை நிராகரித்தது. தொடர்ந்து இவர் மீது புகார்கள் குவிந்தவண்ணம் இருந்தது. இந்நிலையில், அந்த புகாரின் உண்மைதன்மை குறித்து காவல்துறையினர் ஆய்வு மேற்கொண்டுவருகின்றனர்.

தற்போது , பத்ம சேஷாத்ரி பள்ளி ஆசிரியர் ராஜகோபாலனை குண்டர் சட்டத்தில் சிறையில் அடைக்க சென்னை மாநகர காவல் ஆணையர் சங்கர் ஜிவால் உத்தரவு பிறப்பித்துள்ளார்.