மதுரை ஜல்லிக்கட்டு நிகழ்ச்சிகளில் முதலமைச்சர்..? – அமைச்சர் மூர்த்தி..!

மதுரை மாவட்டத்தில் நடைபெறவுள்ள புகழ்பெற்ற ஜல்லிக்கட்டு நிகழ்ச்சியில் தமிழக முதல்வர் கலந்துகொள்வார் என தகவல் வெளியாகியுள்ளது.

தமிழகத்தில்  பொங்கல் பண்டிகை முன்னிட்டு நமது வீரத்தை பறைசாற்றும் ஜல்லிக்கட்டு போட்டிகள் ஆண்டுதோறும் நடத்தப்பட்டு வருகிறது. இந்த பொங்கல் பண்டிகைபோது கிராம புறங்களில் நமது கலாசார நிகழ்வுகள், பாரம்பரிய விளையாட்டு போட்டிகள் களைகட்டும்.

அதிலும் குறிப்பாக மதுரை மாவட்டத்தில் அலங்காநல்லூர், அவினியாபுரம், பாலமேடு ஆகிய இடங்களில் நடத்தபடும் ஜல்லிக்கட்டு போட்டிகள் மிகவும் புகழ்பெற்றது.  இந்நிலையில், வருகின்ற ஜனவரி மாதம் மதுரை மாவட்டத்தில் நடைபெறவுள்ள புகழ்பெற்ற ஜல்லிக்கட்டு நிகழ்ச்சியில் தமிழக முதல்வர் மு.க.ஸ்டாலின் கலந்துகொள்வார் என  பத்திரப்பதிவுத்துறை அமைச்சர் பி.மூர்த்தி தகவல் தெரிவித்துள்ளார்.