திரூவாரூரில் கட்டப்பட்ட கலைஞர் கோட்டத்தில் முதலமைச்சர் மு.க.ஸ்டாலின் ஆய்வு..!

M.K.Stalin inspection [Image Source : File Image]

திரூவாரூரில் கட்டப்பட்டுள்ள கலைஞர் கோட்டத்தில் முதலமைச்சர் மு.க.ஸ்டாலின் ஆய்வு செய்து வருகிறார்.

மறைந்த முன்னாள் முதல்வர் கலைஞர் கருணாநிதி நினைவாக அவரது சொந்த ஊரான திருவாரூரில், கலைஞர் கோட்டம் அமைக்கப்பட்டுள்ளது. திருவாரூர் மாவட்டம் காட்டூரில் கலைஞர் கோட்டமானது சுமார் 7000 ஏக்கரில் 12 கோடி ரூபாய் செலவில் கட்டப்பட்டுள்ளது.

கலைஞர் நூற்றாண்டு விழாவை சிறப்பாகக் கொண்டாடும் விதமாக ஜூன் 20ம் தேதி அதாவது நாளை கலைஞர் கோட்டம் திறந்து வைக்கப்படவுள்ளது. இந்த கலைஞர் கோட்டத்தை பீகார் முதல்வர் நிதிஷ் குமார் திறந்து வைக்கிறார்.

இந்நிலையில், திரூவாரூரில் கட்டப்பட்டுள்ள கலைஞர் கோட்டத்தில் திறப்பு விழா ஏற்பாடுகளை ஆய்வு செய்வதற்காக இன்று காலையில் திரூவாரூர் சென்ற முதலமைச்சர் மு.க.ஸ்டாலின், தற்பொழுது அனைத்து ஏற்பாடுகளையும் ஆய்வு செய்து வருகிறார்.