கூட்டணியை வலுப்படுத்த நாளை பீகார் செல்கிறார் முதல்வர் ஸ்டாலின்.!

mkstalin [Imagesource : Representative]

நாளை மறுநாள் நடைபெற உள்ள எதிர்க்கட்சிகள் கூட்டத்தில் பங்கேற்க தமிழக முதல்வர் ஸ்டாலின், நாளை பீகார் செல்கிறார்.

2024 நாடாளுமன்ற தேர்தலுக்கு மத்தியில் பாரதிய ஜனதா கட்சி (பாஜக) தலைமையிலான அரசுக்கு எதிராக, எதிர்க்கட்சிகளை ஒன்றிணைக்கும் முயற்சியில் இந்த ஆலோசனை கூட்டம் திட்டமிடப்பட்டுள்ளது.

தற்போதய பரபரப்பான அரசியல் சூழ்நிலையில், இந்த எதிர்க்கட்சிகள் ஒன்றிணையும் இந்த கூட்டமானது வரும் வெள்ளிக்கிழமை பாட்னாவில் நடைபெறுகிறது. மேலும், இந்த கூட்டத்தில் ராகுல்காந்தி, மல்லிகார்ஜூன கார்கே, மம்தா பானர்ஜி உள்ளிட்ட பல முக்கியத் தலைவர்கள் பங்கேற்கின்றனர்.

நேற்று திருவாரூரில் கட்டப்பட்டுள்ள கலைஞர் கோட்டத்தை முதல்வர் மு.க.ஸ்டாலின் திறந்து வைத்தார். பின்னர் அந்த விழாவில் பேசுகையில், பீகார் தலைநகர் பாட்னாவில் ஜூன் 23ல் நடைபெறும் ஜனநாயக சக்திகளின் ஒருங்கிணைப்பு கூட்டத்தில் பங்கேற்கிறேன் என்று தெரிவித்தார். அதன்படி, அந்த கூட்டத்தில் பங்கேற்க நாளை பீகார் செல்கிறார் தமிழக முதல்வர் ஸ்டாலின்.

இதற்கிடையில், எதிர்கட்சிகளை திரட்டும் விதமாக பீகார் முதலமைச்சர் நிதிஷ் குமார் பல்வேறு தலைவர்களை சந்தித்து வந்தார். காங்கிரஸ் தலைவர் மல்லிகார்ஜுனா கார்கே, சரத் பவார், உத்தவ் தாக்கரே, நவீன் பட்நாயக், கெஜ்ரிவால் உள்ளிட்டோரை சந்தித்து பேசியிருந்தார் என்பது குறிப்பிடத்தக்கது.