மீண்டும் அரசியலுக்கு வாருங்கள்…! சசிகலா வீட்டின்முன் ஆதரவாளர்கள் போராட்டம்…!

சென்னை தியாகராயர் நகரில் உள்ள அவரது வீட்டின் முன்பு, சசிகலாவின் ஆதரவாளர்கள் தர்ணா போராட்டத்தில் ஈடுபட்டனர்.

சொத்துகுவிப்பு வழக்கில் சிறையில் இருந்து திருப்பிய சசிகலாவின் வருகை, அரசியல் வட்டாரத்தில் பெரும் பரபரப்பை ஏற்படுத்தியது. ஆனால், தற்போது அரசியலுக்கு வரவில்லை என சசிகலா கூறியிருப்பது, அவரது ஆதரவாளர் மத்தியில் ஏமாற்றத்தை ஏற்படுத்தியுள்ளது.

இந்நிலையில், சென்னை தியாகராயர் நகரில் உள்ள அவரது வீட்டின் முன்பு, அவரது ஆதரவாளர்கள் தர்ணா போராட்டத்தில் ஈடுபட்டனர். சசிகலாவின் இந்த முடிவால், தாங்கள் மனஉளைச்சலுக்கு ஆளாகி உள்ளதாகவும், எனவே சசிகலா மீண்டும் அரசியலுக்கு வரவேண்டும் என்றும் வலியுறுத்தி போராட்டத்தில் ஈடுபட்டனர். இதனால், சற்று நேரம் அந்த பகுதியில் பரபரப்பு ஏற்பட்ட நிலையில், போலீசார் அவர்களை அப்புறப்படுத்தினர்.