படகிலிருந்து அமைச்சரை தூக்கி சென்று கரை சேர்த்த மீனவர்…!

படகிலிருந்து அமைச்சர் அனிதா ராதாகிருஷ்ணனை தூக்கி சென்று கரை சேர்த்த மீனவர்.

திருவள்ளூர் மாவட்டம் பழவேற்காட்டில், உப்பங்கழி ஏரியில் மண்ணரிப்பு ஏற்படுவது தொடர்பாக மீன்வளத்துறை அமைச்சர் அனிதா ராதாகிருஷ்ணன், ஆட்சியர் மற்றும் எம்எல்ஏக்கள் ஆய்வு மேற்கொண்டனர். அப்போது 7 பேர் மட்டுமே பயணிக்கக் கூடிய படகில் அமைச்சருடன் சேர்ந்த 30-க்கும் மேற்பட்டோர் பயணித்துள்ளனர்.

இதனால் பாரம் தாங்காமல் படகு ஒரு புறமாக சாய தொடங்கியதால், படகில் பயணம் மேற்கொண்டவர்கள் அச்சம் அடைந்தனர். இதனையடுத்து அமைச்சர் பயணித்த படகில் இருந்த சிலரை வேறு படகிற்கு மாற்றினார். அதன்பின் முகத்துவாரம் பகுதியில் ஆய்வு முடித்துக்கொண்டு வந்த அமைச்சரை மீனவர் ஒருவர் இடுப்பில் தூக்கி சென்று கரை சேர்த்துள்ளார்.