தோனியின் பெயரை உச்சரித்தாலும் எனக்கு ஆதரவளித்த சென்னை ரசிகர்களுக்கு நன்றி -ரிஷப் பண்ட்.!

• களத்தில் விளையாடும் வீரருக்கு ரசிகர்கள் ஆதரவு இருக்க வேண்டியது அவசியம். சென்னை ரசிகர்கள் எனக்கு  ஆதரவு கொடுத்தனர்.
• தோனியின் பெயரை மைதானத்தில் உச்சரித்தாலும் எனக்கு ஆதரவளித்த சென்னை ரசிகர்களுக்கு நன்றி என கூறினார்.

வெஸ்ட் இண்டீஸ் அணி இந்தியாவில் சுற்றுப்பயணம் செய்து தற்போது ஒருநாள் தொடர் தொடரில் விளையாடி வருகிறது. நேற்று முன்தினம் முதல் ஒரு நாள் போட்டி சென்னையில் உள்ள சேப்பாக்கம் மைதானத்தில் நடைபெற்றது.

இந்த போட்டியில் முதலில் இறங்கிய இந்திய அணி  50 ஓவர் முடிவில் 8 விக்கெட்டை இழந்து 288 ரன்கள் அடித்தனர். பின்னர் இறங்கிய  வெஸ்ட் இண்டீஸ்  47.5 ஓவர்களில் 2 விக்கெட் மட்டுமே இழந்து 291 ரன்களை அடித்து 8 விக்கெட் வித்தியாசத்தில் வெற்றி பெற்றனர்.

இப்போட்டி முடிந்த பிறகு பேசிய விக்கெட் கீப்பர் ரிஷப் பண்ட், களத்தில் விளையாடும் வீரருக்கு ரசிகர்கள் ஆதரவு இருக்க வேண்டியது அவசியம். சென்னை ரசிகர்கள் எனக்கு ஆதரவு கொடுத்தனர்.நான் என் ஆட்ட திறனை தொடர்ந்து மேம்படுத்தி வருகிறேன். தினமும் அதற்கான பயிற்சியும் செய்து வருகிறேன். போட்டியில் எனக்கு ரன்னும் , நம்பிக்கையும் கிடைத்தது. தோனியின் பெயரை மைதானத்தில் உச்சரித்தாலும் எனக்கு ஆதரவளித்த சென்னை ரசிகர்களுக்கு நன்றி என கூறினார்.