அதிவேக ஃபாஸ்ட் சார்ஜிங்..108MP கேமரா.! இன்பினிக்ஸ் நோட் 40 5ஜி சீரிஸ் அறிமுகம்!

Infinix Note 40 Pro: இன்பினிக்ஸ் (Infinix) நிறுவனம் தனது சமீபத்திய ஸ்மார்ட்போன்களான இன்பினிக்ஸ் நோட் 40 ப்ரோ 5ஜி மற்றும் இன்பினிக்ஸ் நோட் 40 ப்ரோ+ 5ஜி ஆகியவற்றை இன்று (ஏப்ரல் 12) இந்தியாவில் அறிமுகம் செய்துள்ளது.

பட்ஜெட் விலையில் அறிமுகம் செய்யப்பட்டுள்ள ‘Infinix Note 40 Pro 5G‘ மற்றும் ‘Note 40 Pro+ 5G‘ விலை மற்றும் சிறப்பம்சங்கள் குறித்து பார்க்கலாம். இந்தியாவில் Infinix Note 40 Pro 5G சீரிஸ் Flipkart -ல் விலை ரூ.21,999 முதல் விற்பனைக்கு வந்துள்ளது. மேலும், Infinix Note 40 Pro+ 5G-ன் விலை ரூ.24,999 முதல் தொடங்குகிறது.

இன்று அறிமுகமாகி உள்ள இந்த போனை இன்று ஆர்டர் செய்தால், ரூ.4,999 மதிப்புள்ள MagKit ஐ இலவசமாக பெற்று கொள்ளலாம். MagKit ஆனது MagCase மற்றும் MagPower சார்ஜர் ஆகியவை கிடைக்கும். இந்த ஆஃபர் ஒரு நாள் ஆஃபராக Flipkart -ல் பிரத்தியேகமாக கிடைக்கிறது.

இரண்டு போன்களும் 20W வயர்லெஸ் MagCharge மற்றும் வயர்லெஸ் ரிவர்ஸ் சார்ஜிங் உடன் கிடைக்கிறது. இதன் மூலம், ஸ்மார்ட்போனை 26 நிமிடங்களில் 50 சதவீதம் வரை சார்ஜ் செய்து கொள்ளலாம்.

சிறப்பம்சங்கள்:

• Infinix Note 40 Pro 5G மாடல் 8 ஜிபி ரேம் மற்றும் 256 ஜிபி இன்டெர்னல் ஸ்டோரேஜ் உடன் வருகிறது.
• Infinix Note 40 Pro+  மாடல் 12ஜிபி ரேம் மற்றும் 256ஜிபி இன்டெர்னல் ஸ்டோரேஜ் உடன் வருகிறது.
• 108MP OIS + 2MP + 2MP பின்புற கேமராவும், 32MP செல்ஃபி கேமராவையும் கொண்டுள்ளது.
• இதில் ஆக்டிவ் ஹாலோ ஏஐ லைட்டிங் உள்ளது, மேலும் இது இன்-ஸ்கிரீன் கைரேகை சென்சாரை கொண்டுள்ளது.
• இரண்டு மாடல்களும் MediaTek Dimensity 7020 சிப்செட் மூலம் இயங்குகிறது.
• கார்னிங் கொரில்லா கிளாஸ் பாதுகாப்புடன் 6.78-இன்ச் FHD+ 120 Hz கர்வ் AMOLED டிஸ்ப்ளேயை கொண்டுள்ளது.
• இரண்டும் ஆண்ட்ராய்டு 14 அடிப்படையிலான XOS 14-ல் இயங்குகின்றன.
• Note 40 Pro மாடல் 45W ஃபாஸ்ட் சார்ஜிங்குடன் 5,000 mAh பேட்டரியைகொண்டுள்ளது.
• Note 40 Pro+ ஆனது 100W ஃபாஸ்ட் சார்ஜிங்குடன் 4,600 mAh பேட்டரியை கொண்டுள்ளது.
• JBL வழங்கும் இரண்டு ஸ்பீக்கர்களை கொண்டுள்ளது.
• இரண்டு மாடல்களும் அப்சிடியன் பிளாக், டைட்டன் கோல்ட் மற்றும் விண்டேஜ் கிரீன் ஆகிய மூன்று வண்ணங்களில் கிடைக்கிறது.

சலுகைகள்:

ஆரம்ப விற்பனையாக Flipkart -ல் HDFC மற்றும் SBI கிரெடிட் கார்டு மூலம் வாங்குபவர்களுக்கு ரூ.2,000 வரை தள்ளுபடி செய்யப்படுகிறது. மேலும், எக்ஸ்சேஞ்ச் சலுகைகளை பொறுத்தவரையில், தகுதிகேற்ற மொபைல் போனை , எக்ஸ்சேஞ்ச் செய்து ரூ. 19,500 வரை தள்ளுபடியைப் பெறலாம்.