iQOO12 [Image Source: iQOO]
ஐக்யூ (iQOO) நிறுவனம் தனது புதிய ஐக்யூ 12 5ஜி ஸ்மார்ட்போனை வரும் டிசம்பர் 12ஆம் தேதி இந்தியாவில் அறிமுகம் செய்ய உள்ளது. இதனை நிறுவனம் அதிகாரப்பூர்வமாகவும் அறிவித்திருந்தது. இந்நிலையில் ஐக்யூ 12 5ஜி போனின் உலகளாவிய வெளியிடு குறித்தும், அதன் விலையும் வெளியாகி உள்ளது.
இந்த ஐக்யூ 12 5ஜி ஆனது முதலில் டிசம்பர் 6ம் தேதி மலேசியாவில் வெளியிட திட்டமிடப்பட்டுள்ளது. ஒரு நாள் கழித்து டிசம்பர் 7ம் தேதி இந்தோனேஷியாவில் அறிமுகம் செய்ய திட்டமிடப்பட்டுள்ளது. இதை எடுத்து இந்த ஸ்மார்ட்போன் இந்தியாவில் அறிமுகம் செய்யப்படும்.
ஐக்யூ 12 5ஜி போன் ஆனது 1.5K ரெசல்யூஷன் கொண்ட 6.78 இன்ச் பிஓஇ ஓஎல்இடி (BOE OLED) அமோலெட் கர்வுடு டிஸ்பிளேவைக் கொண்டிருக்கலாம். இந்த டிஸ்ப்ளே 144 ஹெர்ட்ஸ் ரெஃப்ரெஷ் ரேட் மற்றும் 3000 நிட்ஸ் வரையிலான பீக் பிரைட்னஸைக் கொண்டிருக்கலாம். நீர் மற்றும் தூசியில் இருந்து பாதுகாக்க ஐபி64 ரேட்டிங் உள்ளது. பாதுகாப்பிற்காக இன்-டிஸ்பிளே பிங்கர் பிரிண்ட் சென்சார் உள்ளது.
அட்ரினோ 750 (Adreno 750) கிராஃபிக்ஸ் கார்டுடன் இணைக்கப்பட்ட, புதிய குவால்காம் ஸ்னாப்டிராகன் 8 ஜென் 3 பிராசஸர் ஐக்யூ 12 5ஜி ஸ்மார்ட்போனில் பொருத்தப்படும். அதோடு ஆன்ட்ராய்டு 14 ஆரிஜின் ஓஎஸ் 4.0 உடன் இயங்கும் என எதிர்பார்க்கப்படுகிறது. இதே ஸ்னாப்டிராகன் 8 ஜென் 3 பிராசஸர் சீனாவில் அறிமுகம் செய்யப்பட்ட சியோமி 14 சீரிஸிலும் உள்ளது.
இதில் எல்இடி ஃபிளாஷுடன் டிரிபிள் ரியர் கேமரா அமைப்பு உள்ளது. அதில் ஆப்டிகல் இமேஜ் ஸ்டெபிலைசேஷன் அம்சம் கொண்ட 50 எம்பி மெயின் கேமரா, 50 எம்பி அல்ட்ராவைட் கேமரா மற்றும் 3x ஆப்டிகல் டெலிஃபோட்டோ ஜூம் மற்றும் 100x டிஜிட்டல் ஜூம் கொண்ட 64 எம்பி கேமரா அடங்கும்.
செல்ஃபிக்காக 16 எம்பி கேமரா பொருத்தப்படலாம். பனோரமா, ஸ்லோ மோஷன், டைம் லேப்ஸ், ப்ரோ, சூப்பர்மூன், அல்ட்ரா எச்டி, லாங்-எக்ஸ்போஷர் மோட், டூயல்-வியூ வீடியோ போன்ற கேமரா அம்சங்களுடன் வரலாம்.
ஐக்யூ 12 5ஜி போனில் 5,000 mAh திறன் கொண்ட லித்தியம் பேட்டரி பொருத்தப்பட்டுள்ளது. இதை வேகமாக சார்ஜ் செய்ய டைப்-சி சார்ஜிங் போர்ட்டுடன் கூடிய 120 வாட்ஸ் ஃபாஸ்ட் சார்ஜிங் வசதி கொடுக்கப்படலாம்.
50 வாட்ஸ் வயர்லெஸ் சார்ஜிங் வசதியையும் கொண்டுள்ளதாகக் கூறப்படுகிறது. அதோடு வைஃபை 7, என்எஃப்சி, புளூடூத் 5.4, ரிமோட் கண்ட்ரோலுக்கான ஐஆர் பிளாஸ்டர் மற்றும் டூயல் ஸ்டீரியோ ஸ்பீக்கர்கள் போன்ற பிற அம்சங்களும் உள்ளன.
லெஜண்ட் மற்றும் ஆல்பா ஆகிய வண்ணங்களில் அறிமுகமாக உள்ள இந்த ஸ்மார்ட்போன் 12 ஜிபி ரேம் + 256 ஜிபி ஸ்டோரேஜ் மற்றும் 16 ஜிபி ரேம் + 512 ஜிபி ஸ்டோரேஜ் என 2 வேரியண்ட்களில் வரலாம். இந்த ஸ்டோரேஜை மெமரி கார்டு மூலம் 1 டிபி வரை உயர்த்திக் கொள்ள முடியும்.
டிப்ஸ்டர்களில் ஒருவரான முகுல் ஷர்மா வெளியிட்டத் தகவலின்படி, ஐக்யூ 12 5ஜி ஸ்மார்ட்போன் விலை இந்தியாவில் ரூ.53,000 முதல் ரூ.55,000 வரை இருக்கும். இந்த ஸ்மார்ட்போனின் எம்ஆர்பி ரூ.56,999 ஆக இருக்கும். இதற்கிடையில் ஐக்யூ 12 5ஜிஸ்மார்ட்போன் அமேசானில் விற்பனைக்கு அறிமுகமாகும் என்று நிறுவனம் உறுதிப்படுத்தியுள்ளது குறிப்பிடத்தக்கது.
சென்னை : மதுரையில் நேற்றைய தினம் முருக பக்தர்கள் மாநாடு, இந்து முன்னணி மற்றும் பாஜகவின் ஒருங்கிணைப்பில் மிகப் பிரமாண்டமாக…
ஈரான் : இஸ்ரேல் உடனான மோதல் தீவிரமடைந்துள்ள நிலையில், ஹார்மூஸ் நீரிணையை (ஜலசந்திமூடுவதற்கான தீர்மானத்தை நாடாளுமன்றம் நிறைவேற்றியுள்ளது. இது, ஈரானின்…
அயர்லாந்து : இயக்குநர் எச் வினோத் இயக்கிய 'ஜன நாயகன' திரைப்படம் தான் முழுநேர அரசியலில் இறங்குவதற்கு முன் நடிக்கும்…
வாஷிங்டன் : இஸ்ரேல் மீது ஈரான் பதில் தாக்குதல் நடத்தி வந்த நிலையில், எதிர்பாராத விதமாக நேற்று இஸ்ரேலுக்கு ஆதரவாக…
டமாஸ்கஸ் : சிரியா தலைநகர் டமாஸ்கஸில் உள்ள டுவைலா பகுதியில் உள்ள செயிண்ட் எலியாஸ் தேவாலயத்தில் மிகப்பெரிய தற்கொலை படை…
ஈரான் : ஈரான் மீது இஸ்ரேல் நடத்திய தாக்குதலில் 950-க்கும் மேற்பட்டோர் உயிரிழந்திருக்கலாம் என அஞ்சப்படுகிறது. வாஷிங்டனை சேர்ந்த மனித உரிமைகள்…
