“உயரத்தை பார்த்து பயமில்லை”…மிரட்டலாக வெளியான பூமி டிரைலர்..!

நடிகர் ஜெயம் ரவி நடிப்பில் உருவாகியுள்ள பூமி திரைப்படத்தின் டிரைலர் தற்பொழுது வெளியாகி ரசிகர்களுக்கு மத்தியில் வைரலாகி வருகிறது.

இயக்குனர் லக்ஷ்மண் இயக்கத்தில் நடிகர் ஜெயம் ரவி நடித்து முடித்துள்ள திரைப்படம் பூமி .இசையமைப்பாளர் இமான் இசையில் உருவாகியுள்ள இந்த திரைப்படத்தில் ஜெயம் ரவிக்கு ஜோடியாக நடிகை நிதி அகர்வால் நடித்துள்ளார். கடந்த மாதம் மே 1ஆம் தேதி திரையரங்குகளில் இந்த திரைப்படம் வெளியாக இருந்த நிலையில், கொரோனா வைரஸ் பரவல் காரணமாக ரிலீஸ் தேதியை ஒத்தி வைக்கப்பட்டது.

திரையரங்குகள் மூடப்பட்டிருந்த நிலையில் சூரரைப் போற்று, மூக்குத்தி அம்மன் , பொன்மகள்வந்தாள், போன்ற திரைப்படங்கள் ஓடிடி இணையதளத்தில் வெளியாகும் நிலைக்குத் தள்ளப்பட்டது. அந்த வகையில் தற்போது பொங்கல் தினத்தன்று ஹாட்ஸ்டார் ஓடிடி இணையதளத்தில் இந்த பூமி திரைப்படம் நேரடியாக வெளியாக உள்ளதாக நடிகர் ஜெயம் ரவி தனது ட்விட்டர் பக்கத்தில் அறிக்கையின் மூலம் தெரிவித்திருந்தார்.

இந்த நிலையில் அதனை தொடர்ந்து பூமி திரைப்படத்தின் டிரைலர் தற்பொழுது வெளியாகி ரசிகர்களுக்கு மத்தியில் வைரலாகி வருகிறது. இதோ அந்த டிரைலர்.