நடிகர் தனுஷ் வீட்டுக்கு வெடிகுண்டு மிரட்டல்!

சென்னை, அபிராமபுரத்தில் உள்ள நடிகர் தனுஷ் வீட்டுக்கு மர்மநபர் ஒருவர் வெடிகுண்டு மிரட்டல் விடுத்துள்ளார்.

காவல் கட்டுப்பாட்டு அறைக்கு அழைத்து மர்ம நபர் ஒருவர், சென்னை அபிராமபுரத்தில் உள்ள நடிகர் தனுஷ் வீட்டுக்கு வெடிகுண்டு மிரட்டல் விடுத்துள்ளார். இதனைதொடர்ந்து அங்கு விரைந்த வெடிகுண்டு தடுப்பு பிரிவு போலீசார் நடத்திய சோதனையில் அது புரளி என தெரியவந்தது.

மேலும், தேமுதிக தலைவர் விஜயகாந்த் வீட்டிற்கு மிரட்டல் விடுத்த அதே நபர் தான் நடிகர் தனுஷ் வீட்டிற்கும் மிரட்டல் விடுத்துள்ளார் என காவல்துறையினருக்கு தெரியவந்தது. வெடிகுண்டு மிரட்டல் விடுத்த நபர் குறித்து போலீசார் விசாரணை மேற்கொண்டு வருகின்றனர்.