ஹிப் ஹாப் தமிழா ஆதியின் அடுத்த திரைப்படம்.?! இயக்குனர் யார் தெரியுமா.?

மரகத நாணயம் படத்தின் இயக்குனர் ஏஆர்கே சரவணன் இயக்கத்தில் ஹிப் ஹாப் தமிழா ஆதி நடிக்கவுள்ளார்.

இசையமைப்பாளராகவும் ,நடிகராகவும் தமிழ் சினிமாவில் வலம் வருபவர் ஹிப் ஹாப் தமிழா ஆதி. இவரது நடிப்பில் கடைசியாக வெளியான நான் சிரித்தால் திரைப்படம் ரசிகர்கள் மத்தியில் நல்ல வரவேற்பை பெற்றது. இந்த திரைப்படத்தை தொடர்ந்து தற்போது சத்யஜோதி பிலிம்ஸ் தயாரிக்கும் சிவகுமாரின் சபதம் என்ற படத்தில் நடித்து வருகிறார். இந்த படத்தை அவரே இயக்குகிறார்.

இந்த திரைப்படத்தின் பாடல்கள் வெளியாகி ரசிகர்களுக்கு மத்தியில் நல்ல வரவேற்பை பெற்று வருகிறது. திரையரங்குகள் திறந்தவுடன் படத்தின் ரிலீஸ் தேதி அறிவிக்கப்படும் என்று கூறப்படுகிறது.

இந்த நிலையில், ஹிப் ஹாப் தமிழா ஆதியின் அடுத்த திரைப்படம் குறித்த தகவல் தற்போது கிடைத்துள்ளது. அதன்படி, இவரது அடுத்த திரைப்படத்தை மரகத நாணயம் படத்தை இயக்கிய ஏஆர்கே சரவணன் இயக்கவுள்ளதாக தகவல்கள் வெளிவந்துள்ளது. மரகத நாணயம் என்ற டார்க் காமெடி திரைப்படத்தை கொடுத்த ஏஆர்கே சரவணன் ஆதியை வைத்து எந்த மாதிரி கதையை எடுக்க போகிறார் என்ற எதிர்பார்ப்பு ரசிகர்களுக்கு மத்தியில் எழுந்துள்ளது. விரைவில் இதற்கான அதிகாரப்பூர்வ அறிவிப்பு வெளியாகும் என்று கூறப்படுகிறது.