இதுதான் ரிலீஸ் தேதி என மீண்டும் வெளியான என்னை நோக்கி பாயும் தோட்டா படத்தின் அப்டேட்!

தமிழ் சினிமாவில் ரிலீஸ் செய்யப்படாமல் கிடப்பில் போடப்பட்ட படங்களை எடுத்து ரிலீஸ் செய்தாலே வரம் பத்து படங்களை யாவது ரிலீஸ் செய்துவிடலாம். அந்த வரிசையில் ரசிகர்களின் கவனத்தை நீண்ட நாட்களாக கவர்ந்து வரும் திரைப்படம் என்னை நோக்கி பாயும் தோட்டா.

காரணம் இயக்குனர் கெளதம் வாசுதேவ் மேனன் – நடிகர் தனுஷ் என வித்தியாசமான கூட்டணி சேர்ந்ததால் படத்தின் மீதான எதிர்பார்ப்பு தற்போது வரை குறையாமல் இருக்கிறது. தீவிர நிதி பிரச்சனையில் ரிலீஸ் ஆகாமல் இருந்த இப்படத்தை தற்போது வேல்ஸ் பட நிறுவனம் ( கோமாளி பட தயாரிப்பாளர் ) இப்படத்தின் பிரச்சனைகளை சில நிபந்தனைகளோடு முடித்துவைத்துள்ளதாம்.

அந்த நிபந்தனைகளுக்கு என்னை நோக்கி பாயும் தோட்டா படக்குழுவும் சம்மதம் தெரிவித்துவிட்டதாம். ஆதலால் படம் செப்டம்பர் 6ஆம் தேதி ரிலீஸ் ஆகும் என படக்குழு அறிவிக்க உள்ளதாம். இந்த தேதியிலாவது படம் ரிலீஸ் ஆகுமா என ரசிகர்கள் எதிர்பார்த்து காத்திருக்கின்றனர்.