இசைப்புயல் இல்லையாம் ராக் ஸ்டாராம்.! ஷங்கர்-ராம் சரண் பட இசையமைப்பாளர் இவர் தான்.!

ஷங்கர்-ராம் சரண் கூட்டணியில் உருவாகும் படத்திற்கு அனிருத் இசையமைக்க உள்ளதாக தகவல்கள் வெளியாகியுள்ளன.

தமிழ் சினிமாவின் பிரமாண்ட இயக்குனர் ஷங்கர் .இவர் பல ரீமேக் படங்களையும் இயக்கி வெற்றியும் பெற்றுள்ளார் . கடைசியாக இவர் ரஜினிகாந்த் மற்றும் அக்ஷய் குமார் ஆகியோரை வைத்து இயக்கிய 2.0 உலகளவில் பெரும் வெற்றியை பெற்றது.தற்போது அவர் கமலுடன் இணைந்து இந்தியன் 2 படத்தை இயக்கவுள்ளார்.இந்த படத்தின் படப்பிடிப்பானது சில பல பிரச்சனைகளால் தள்ளி வைக்கப்பட்டுள்ளது.

அதனை குறித்த அப்டேட் வரும் என்று எதிர்பார்த்த நிலையில் சமீபத்தில் தனது அடுத்த படத்தின் அறிவிப்பை அறிவித்திருந்தார்.ஷங்கர் அடுத்ததாக இயக்கவிருக்கும் படத்தில் ராம் சரண் நடிக்க உள்ளதாகவும் , ஸ்ரீ வெங்கடேஸ்வரா கிரியேஷன்ஸ் தயாரிக்க உள்ளதாகவும் அறிவிக்கப்பட்டிருந்தது.தமிழ் , தெலுங்கு,இந்தி ஆகிய மொழிகளில் உருவாகும் இந்த படத்தில் பிற மொழியை சார்ந்த மற்றொரு டாப் ஹீரோவும் நடிக்க உள்ளதாக ஏற்கனவே தகவல்கள் வெளியாகியிருந்தது.

இந்த நிலையில் தற்போது ஷங்கர்-ராம் சரண் கூட்டணியில் உருவாகும் படத்தின் இசையமைப்பாளர் யார் என்பது குறித்த தகவல் வெளியாகியுள்ளது . கூடுதலாக ஷங்கர் படத்திற்கு ஏ.ஆர்.ரஹ்மான் இசையமைத்துள்ள நிலையில் தற்போது இந்த படத்திற்கு தமிழ் சினிமாவின் ராக் ஸ்டார் என்று அழைக்கப்படும் அனிருத் இசையமைக்க உள்ளதாக தகவல்கள் வெளியாகியுள்ளன.இவர் தான் ஷங்கரின் இந்தியன் 2 படத்திற்கு இசையமைக்கவுள்ளார் என்பது குறிப்பிடத்தக்கது . தற்போது ஷங்கரின் அடுத்த படத்திற்கு அனிருத் இசையமைக்க உள்ளதாக வெளியான தகவல் எந்தளவிற்கு உண்மை என்பது தெரியவில்லை.உண்மையென்ன என்பது அதிகாரப்பூர்வ அறிவிப்பு வெளியானால் தான் தெரிய வரும்.