மாஸ்டருடன் மோதும் கேஜிஎப்…! வெற்றி யாருக்கு..?

மாஸ்டர் திரைப்படமும் கேஜிஎப் திரைப்படமும் அடுத்த வருடம் பொங்கலுக்கு வெளியாகும் என்று தகவல் வெளியாகியுள்ளது.

நடிகர் விஜய் அவர்கள் தற்போது நடித்து முடித்துள்ள திரைப்படம் மாஸ்டர். இந்த படத்தை இயக்குனர் லோகேஷ் கனகராஜ் இயக்கியுள்ளார். மேலும் இப்படத்தின் கதாநாயகியாக மாளவிகா மோகன் நடிக்கிறார். மேலும் விஜய் சேதுபதி வில்லனாகவும் ,சாந்தனு, ஆண்ட்ரியா, கௌரி கிஷன் ஆகியோர் முக்கிய வேடங் களில் நடித்துள்ளனர்.

இந்நிலையில் தற்போது பரவி வரும் கொரோனா வைரஸ் காரணமாக இந்த படத்தின் ரிலீஸ் தள்ளி வைக்கப்பட்டுள்ளது. தற்போது விஜய் ரசிகர்கள் காத்திருக்கும் ஒரே விஷயம் இப்படத்தின் ரிலீஸ் தான். இந்நிலையில் இந்த மாஸ்டர் திரைப்படம் அடுத்த ஆண்டு பொங்கலுக்கு வெளியாக அதிக வாய்ப்புகள் இருப்பதாக கூறப்படுகிறது.

மேலும் அதை போல் நடிகர் யாஷ் நடித்துவரும் கேஜிஎப் படத்தின் இரண்டாம் பாகத்தின் மேல் பல ரசிகர்கள் ஆவலுடன் காத்துள்ளார்கள் என்றே கூறலாம் மேலும் தற்பொழுது கேஜிஎப் படத்தின் இரண்டாம் பாகமும் அடுத்த ஆண்டு பொங்கலுக்கு வெளியாக அதிக வாய்ப்புகள் உள்ளதாக கூறப்படுகிறது இதனால் மாஸ்டர் படம் அதிகம் வசூல் சாதனை செய்யுமா அல்லது கேஜிஎப் 2 அதிகம் வசூல் செய்யுமா என்று பொறுத்திருந்து பார்ப்போம்.