சம்பவம் செய்ய காத்திருக்கும் இசைப்புயல்.! பாடல்கள் மட்டும் எத்தனை தெரியுமா?

 பொன்னியின் செல்வன் படத்தில் மொத்தம் 12 பாடல்கள் உள்ளது என்று கூறப்படுகிறது. 

பிரமாண்ட பட்ஜெட்டில் இயக்குனர் மணிரத்னம் இயக்கத்தில் பிரமாண்டமாக உருவாகி வரும் திரைப்படம் பொன்னியின் செல்வன். ஜெயம் ரவி, கார்த்தி, விக்ரம் பிரபு, விக்ரம், ஐஸ்வர்யா ராய், ஐஸ்வர்யா லட்சுமி, த்ரிஷா, சரத்குமார், ரியாஸ் கான், அர்ஜுன் சிதம்பரம், பிரபு, போன்ற பல பிரபலங்கள் இந்த திரைப்படத்தில் முக்கியமான கதாபாத்திரத்தில் நடித்து வருகின்றார்கள்.

விறுவிறுப்பாக நடைபெற்று வந்த படப்பிடிப்பு 70% விகிதம் முடிவைத்துள்ள நிலையில், கொரோனா இரண்டாவது அலையின் காரணமாக மீண்டும் படப்பிடிப்பு சில மாதங்களுக்கு முன்பு நிறுத்தி வைக்கப்பட்டது. அதனை தொடர்ந்து கடந்த மாதம் மீண்டும் படத்திற்கான படப்பிடிப்பு தற்போது பாண்டிச்சேரியில் விறு விறுப்பாக நடைபெற்று வருகிறது. இதுவரை 80% படப்பிடிப்பு படமாக்கப்பட்டுள்ளது.

இரண்டு பாகங்களாக உருவாகவுள்ளது. இதில் முதல் பாகம் அடுத்த ஆண்டு வெளியாகும் என்று அறிவிக்கப்பட்டது. இந்த நிலையில், தற்போது இந்த படத்தில் எத்தனை பாடல்கள் உள்ளது. என்பது குறித்த தகவல் கிடைத்துள்ளது. படத்தில் மொத்தம் 12 பாடல்கள் என்றும், முதல் பாகத்தில் 6 பாடல் இரண்டாம் பாகத்தில் 6 பாடல் என்று தகவல்கள் கசிந்துள்ளது. படத்திற்கு இசையமைப்பாளர் ஏ ஆர் ரஹ்மான் என்பதால் இசையின் மீது எதிர்பார்ப்பு அதிகமாகியுள்ளது.