சூரரை போற்று படக்குழு எடுத்த அதிரடி முடிவு! இது சாத்தியமாகுமா?

இசை வெளியீட்டு விழாவை சென்னை விமான நிலையத்தில் வைத்து நடத்த, படக்குழு திட்டமிட்டுள்ளதாக தகவல்கள் வெளியாகியுள்ளது.

இயக்குனர் சுதா கொங்கரா இயக்கத்தில், நடிகர் சூர்யா நடிப்பில் உருவாக்கி வரும் திரைப்படம் சூரரை போற்று. இப்படம் இந்தியாவின் முதல் பட்ஜெட் விமானத்தை உருவாக்கிய ஜி.ஆர்.கோபிநாத்தின் வாழ்க்கையை மையப்படுத்தி உருவாகியுள்ளது.

இந்தப் படத்தில் அபர்ணா பாலமுரளி, தெலுங்கு நடிகர் மோகன் பாபு, கருணாஸ் உள்ளிட்டோரும் முக்கிய கதாபாத்திரங்களில் நடித்துள்ளனர். இந்த படத்திற்கு இசையமைப்பாளர் ஜி.வி.பிராகாஷ் இசையமைக்கிறார்.

இந்நிலையில், இந்த படத்தின் இசை வெளியீட்டு விழாவை சென்னை விமான நிலையத்தில் வைத்து நடத்த, படக்குழு திட்டமிட்டுள்ளதாக தகவல்கள் வெளியாகியுள்ளது. இதற்காக சர்வதேச விமானநிலையத்தில் படக்குழு சிறப்பு அனுமதி பெற்றிருப்பதாகவும் கூறப்படுகிறது.