Ather Announced450S [Image=HTAuto]
ஏதர் 450S எலக்ட்ரிக் ஸ்கூட்டர் 3 kWh பேட்டரியுடன் அறிமுகமான ஸ்கூட்டரின் விலை ரூ.1.30 லட்சத்தில் தொடங்குவதாக அறிவிக்கப்பட்டுள்ளது.
அதிகரிக்கப்பட்டு வரும் பெட்ரோல்/டீசல் விலை மற்றும் சுற்றுச்சூழல் மாசுபாடு இவையெல்லாம் ஒருபக்கம் இருந்தாலும், மறுபுறம் மக்களின் பார்வை மின்சார வாகனங்கள் மீது திரும்பியுள்ளது. பெட்ரோல் வாகனங்களை விட எலக்ட்ரிக் வாகனங்களில் வேகமாக செல்ல முடியாது, அதிக தூரம் செல்லமுடியாது ஆகிய சில மாறுபாடுகள் இருந்தாலும் வாடிக்கையாளர்கள் சுற்றுச்சூழல் மாசுபாட்டை கருத்தில் கொண்டு மின்சார வாகனங்களுக்கு ஆதரவளித்து வருகின்றனர்.
பெங்களூருவை தளமாகக் கொண்ட எலக்ட்ரிக் வாகன உற்பத்தியாளரான ஏதர் எனர்ஜி (Ather Energy), இன்று தனது புதிய ரகமான ஏதர் 450S ஸ்கூட்டரின் ஆரம்ப விலை ரூ.1,29,999 யில் அறிமுகப்படுத்துவதாக அறிவித்தது. ஏதர் அதன் 450 இயங்குதளத்தை அடிப்படையாகக் கொண்ட குறைந்த விலை மின்சார ஸ்கூட்டரை உருவாக்கி வருவதாக நீண்ட காலமாக கூறப்பட்ட நிலையில், 450S என்ற புதிய குறைந்த விலை ரக ஸ்கூட்டரின் ஆரம்ப விலையை அறிவித்துள்ளது.
அரசின் FAME-II(Faster Adoption and Manufacturing of Hybrid and Electric Vehicles) மானியத் திருத்தம் வெளியானதை அடுத்து, EV உற்பத்தியாளர் ஏற்கனவே இருக்கும் Ather 450X மற்றும் 450X Pro Pack இன் விலைகளை ரூ. 1.45 லட்சம் மற்றும் ரூ. 1.65 லட்சமாக(எக்ஸ்-ஷோரூம், பெங்களூர்)உயர்த்தியுள்ளனர். அதாவது அரசு எலக்ட்ரிக் வாகனங்களை வாங்குவதற்கு மக்களை ஊக்குவிக்கும் விதமாக வழங்கப்பட்ட மானியம் ரூ.15,000 இலிருந்து ரூ.10,000/kWh ஆகக் குறைத்துள்ளது.
ஏதர் 450S ரக ஸ்கூட்டர் ஆனது, ஏதரின் ஏற்கனவே இருக்கும் 450 ரக ரேஞ்சின்(Range) ஆரம்ப நிலை ஸ்கூட்டராக விற்கப்படும். இது 3kwh பேட்டரி உடன் அதிகபட்ச வேகமாக 90 கிமீ வேகத்தை வழங்கும் வகையில், IDC வரம்பில்(Indian Driving Condition) ஒருமுறை சார்ஜ் செய்தால் 115 கிமீ தூரம் வரை செல்லும் என்றும் அறிவிக்கப்பட்டுள்ளது. இந்தியாவில் உள்ள அங்கீகரிக்கப்பட்ட விற்பனையாளர்களிடம் ஏதர் 450S-க்கான முன்பதிவு ஜூலை மாதம் முதல் தொடங்கும் என்றும் அறிவித்துள்ளது.
இது தவிர 450S-க்காக வாடிக்கையாளர்கள் Ather 450X க்கான அதிகாரப்பூர்வ இணையதளத்தில் பதிவு செய்யலாம். நீங்கள் புதிதாக எலக்ட்ரிக் வாகனங்கள் வாங்க விரும்பினால் உங்களுக்கு தரம் மற்றும் உத்தரவாதத்தை ஏதர் ஸ்கூட்டர்கள் வழங்கும் எனவும், புதிய Ather 450S இந்திய சந்தையில் 450X மற்றும் 450X Pro Pack ரக வாகனங்களுடன் சேர்ந்து விற்பனை செய்யப்படும் என்றும் நிறுவனம் தெரிவித்துள்ளது.
பெங்களூர் : ரசிகர்கள் மிகவும் ஆவலுடன் காத்துக்கொண்டிருந்த சென்னை - பெங்களூர் அணிகள் மோதிக்கொள்ளும் போட்டி இன்று சின்னசாமி மைதானத்தில்…
பெங்களூர் : ரசிகர்கள் மிகவும் ஆவலுடன் காத்துக்கொண்டிருந்த சென்னை - பெங்களூர் அணிகள் மோதிக்கொள்ளும் போட்டி தற்போது சின்னசாமி மைதானத்தில்…
டெல்லி : காஷ்மீர் பஹல்காம் தாக்குதலை அடுத்து இந்தியா - பாகிஸ்தான் இடையே ஒரு போர் பதற்றம் நிலவி வருகிறது.…
கொழும்பு : காஷ்மீர் பஹல்காம் பகுதியில் நடந்த பயங்கரவாத தாக்குதலில் 26 பேர் உயிரிழந்தனர். இந்த தாக்குதலை உள்ளூர் பயங்கரவாத…
இஸ்லாமாபாத் : காஷ்மீர் பஹல்காம் பகுதியில் ஏப்ரல் 22-ல் நடைபெற்ற பயங்கரவாத தாக்குதலில் 26 பேர் உயிரிழந்தனர். இச்சம்பவத்தை அடுத்து…
சென்னை : தென்னிந்திய பகுதிகளின் மேல், வளிமண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி…
