பங்குச்சந்தை முடிவு..! சென்செக்ஸ் 61,981 புள்ளிகளாக நிறைவு..!

Sensex 1 [Representative Image]

பிஎஸ்இ (BSE) சென்செக்ஸ் 18.11 புள்ளிகள் உயர்ந்து 61,981.79 ஆகவும், என்எஸ்இ (NSE) நிஃப்டி 18,348 ஆகவும் வர்த்தகம் செய்யப்படுகிறது.

கடந்த வாரங்களில் சரிவில் வர்த்தகமாகி வந்த இந்தியப் பங்குச்சந்தை வாரத்தின் 2வது நாளான இன்று உயர்வுடன் வர்த்தகத்தை தொடங்கியது. இன்றைய வர்த்தக நாளில் 62,098 புள்ளிகள் எனத் தொடங்கிய மும்பை பங்குச்சந்தை பிஎஸ்இ (BSE) சென்செக்ஸ் வர்த்தக நாளின் முடிவில் 18.11 புள்ளிகள் அல்லது 0.029% என உயர்ந்து 61,981.79 புள்ளிகளாக வர்த்தகம் ஆகிறது.

மேலும், தேசிய பங்குச்சந்தை என்எஸ்இ (NSE) நிஃப்டி 33.60 புள்ளிகள் அல்லது 0.18% உயர்ந்து 18,348 புள்ளிகளாக வர்த்தகம் நடைபெற்று வருகிறது. முந்தைய வர்த்தக நாள் முடிவில் பிஎஸ்இ(BSE) சென்செக்ஸ் 61,963 புள்ளிகளாகவும், என்எஸ்இ(NSE) நிஃப்டி 18,314 புள்ளிகளாகவும் வர்த்தகம் நிறைவடைந்தது.

இதற்கிடையில், அந்நிய நிறுவன முதலீட்டாளர்கள் கடந்த 6 மாதங்களில் இல்லாத அளவிற்கு சந்தையில் முதலீடு செய்து வரும் வேளையில் உள்நாட்டு முதலீட்டாளர்கள் தங்களது அதிகப்படியான பங்குகளை விற்பனை செய்து வருகின்றனர். கடந்த மாதங்களை விட மே மாதத்தில் வெளிநாட்டு முதலீட்டாளர்கள் பங்குச்சந்தையில் கிட்டத்தட்ட ரூ.30,000 கோடி முதலீடு செய்துள்ளனர்.