Padmini : ஹிந்தி படத்தில் நடிக்க கிடைத்த வாய்ப்பு! கவர்ச்சியை காட்டி பல்பு வாங்கிய பத்மினி!

Padmini [File Image]

1947 முதல் 1990கள் வரை கவர்ச்சியால் கலக்கி வந்தவர் என்றால் நடிகை பத்மினி என்று கூறலாம்.  இவர் தமிழ் சினிமாவில் கன்னிகா எனும்  திரைப்படத்தின் மூலம் அறிமுகமானார்.  இந்த திரைப்படத்தை தொடர்ந்து வேதாள உலகம், மோகினி, மாயாவதி, கன்னியின் காதலி உள்ளிட்ட  பல படங்களில் தொடர்ச்சியாக நடித்தார். தமிழில் மட்டுமின்றி ஹிந்தி, மலையாளம்,  தெலுங்கு, என பல்வேறு மொழிகளிலும் நடித்து முன்னணி நடிகையாக வலம் வந்தார்.

அந்த சமயம் எவ்வளவு கவர்ச்சியாக நடிக்கவேண்டும் என்றாலும் நடிகை பத்மினி நடித்துவிடுவார். இவர் கவர்ச்சியாக நடித்த படங்களும் இதுவரை மிகப்பெரிய பிளாக்பஸ்டர் ஹிட் ஆகவும் ஆகியுள்ளது. ஆனால், இதுவரை இல்லாத அளவிற்க்கு நடிகை பத்மினி ஹிந்தியில் நடிகர் ராஜ்கபூருக்கு ஜோடியாக ஒரு படத்தில் நடிக்க வாய்ப்பு கிடைத்தது. அந்த படத்தில் மிகவும் கவர்ச்சியாக நடித்திருந்தார்.

அளவுக்கு மேல அந்த படத்தில் பத்மினி கவர்ச்சியாக நடித்த காரணத்தால் பலருக்கும் அவருடைய கதாபாத்திரம் அந்த சமயம் பிடிக்கவே இல்லை. படம் வசூல் ரீதியாக மிகப்பெரிய ஹிட் ஆனது. இருப்பினும், பத்மினி இதுவரை இல்லாத அளவிற்கு மிகவும் கவர்ச்சியாக நடித்திருந்த காரணத்தால்  அந்த படத்தில் அவருடைய கவர்ச்சி எடுபடவில்லை. அந்த படம் என்னவென்றால், ராஜ் கபூரே இயக்கி நடித்திருந்த மேரா நாம் ஜோக்கர் ( Mera Naam Joker) திரைப்படம் தான்.

அந்த சமயம் மிகப்பெரிய பட்ஜெட்டில் எடுக்கப்பட்ட இந்த திரைப்படத்தில் பத்மினி நடித்தால் நன்றாக இருக்கும் என ராஜ் கபூர் அவரிடம் பேசி நடிக்க வைத்தாராம். தமிழில் ஒரு அளவிற்கு கவர்ச்சியாக நடித்துக்கொண்டிருந்த பத்மினி அந்த படத்தில் அளவிற்கு மீறி கவர்ச்சியாக நடித்தார். தமிழில் அவருக்கு அந்த சமயம் மார்க்கெட் அதிகமாக இருந்த காரணத்தால் தமிழ் ரசிகர்களும்  படத்தை பார்க்க எதிர்பார்ப்புடன் காத்திருந்தார்கள்.

ஆனால், படத்தில் பத்மினி நடித்த கதாபாத்திரம் சரியாக செட் ஆகவில்லை இதனை படம் பார்த்த பலரும் அந்த சமயம் கூறினார்களாம். இந்த தகவலை சினிமா ஆய்வாளர் கந்தராஜ் சமீபத்திய பேட்டி ஒன்றில் தெரிவித்துள்ளார். இவ்வளவு பெரிய படத்தில் கவர்ச்சியின் உச்சிக்கே சென்று நடித்தால் நம்மளுடைய மார்க்கெட் எங்கயோ சென்றுவிடும் என யோசித்திருந்த பத்மினிக்கு கடைசியில் பல்பு தான் கிடைத்தது.

கடந்த 1970 -ஆம் ஆண்டு வெளியான இந்த மேரா நாம் ஜோக்கர் ( Mera Naam Joker) திரைப்படம் வசூல் ரீதியாக வெற்றிபெற்றது. படத்தில் இடம்பெற்ற பாடல்கள் அனைத்தும் மிகப்பெரிய ஹிட் ஆனது. அதைப்போல பிலிம்பேர் விருதுகள் பட்டியலில் சிறந்த இயக்குனருக்கான விருது, சிறந்த இசையமைப்பாளர் விருது, சிறந்த பின்னணி பாடகர் விருது உள்ளிட்ட  பல விருதுகளும் வழங்கப்பட்டது என்பது குறிப்பிடத்தக்கது.