கேஜிஎப்- 2 படத்திற்கு யு/ஏ சான்றிதழ்.!

நடிகர் யாஷ் நடிப்பில் பிரமாண்டமாக உருவாகியுள்ள திரைப்படம் கேஜிஎப் -2. இந்த திரைப்படத்தை பிரசாத் நீல் இயக்கியுள்ளார். ஏற்கனவே இப்படத்தின் முதல் பாகத்தின் வெற்றியை தொடர்ந்து இரண்டாம் பாகம் உருவாகியுள்ளது.

இந்த திரைப்படம் வருகின்ற ஏப்ரல் 14-ஆம் தேதி உலகம் முழுவதும் திரையரங்குகளில் வெளியாகவுள்ளது. படத்திற்கான டிரைலர் கடந்த சில நாட்களுக்கு முன்பு வெளியாகி ரசிகர்களுக்கு மத்தியில் பலத்த வரவேற்பை பெற்று படத்தின் மீதுள்ள எதிர்பார்ப்பை அதிகமாக்கியது என்றே கூறலாம்.

இந்த நிலையில், தற்போது இப்படத்திற்கு சென்சார் அதிகாரிகள் யு/ஏ சான்றிதழ் வழங்கியுள்ளார்கள். படம் 2மணி நேரம் 48 நிமிடங்கள் இருக்கும் என கூறப்படுகிறது. முதல் பாகத்தின் முடிவிலிருந்து இரண்டாம் பாகம் தொடங்கப்படவுள்ளது. இப்படத்தை பார்க்க அணைத்து சினிமா ரசிகர்களும் ஆவலுடன் உள்ளனர்.