மும்பை-புனே விரைவுச் சாலையில் ஒன்றன்பின் ஒன்றாக மோதிய 11 வாகனங்கள்..!

[Image source : india today ]

மும்பை-புனே விரைவுச் சாலையில் வாகனங்கள் ஒன்றன்பின் ஒன்றாக மோதி பெரும் விபத்து ஏற்பட்டதில், 7 பேர் காயம். 

மும்பை-புனே விரைவுச் சாலையில் இன்று பிற்பகல் சுமார் 11 வாகனங்கள் ஒன்றன்பின் ஒன்றாக மோதி பெரும் விபத்து ஏற்பட்டது. இந்த விபத்தில் குறைந்தது ஏழு முதல் எட்டு பேர் காயமடைந்துள்ளனர்.

காயமடைந்தவர்கள் கோப்லி ருக்னாலயா மற்றும் எம்ஜிஎம் மருத்துவமனை காமோத்தேவில் அனுமதிக்கப்பட்டுள்ளனர். இந்த சம்பவம் பிற்பகல் 1.15 மணியளவில் இடம்பெற்றுள்ளது.  இந்த விபத்தால், மும்பை நோக்கிச் செல்லும் போக்குவரத்து சுமார் 45 நிமிடங்கள் பாதிக்கப்பட்டது, இருப்பினும், இப்போது அது சீராகச் செல்கிறது.