சாலையோர வியாபாரிகளுக்கு கடன் வழங்குவதற்கு ரூ.50,000 கோடி நிதி ஒதுக்கீடு.!

சாலையோர வியாபாரிகளுக்கு கடன் வழங்குவதற்கான ரூ.50,000 கோடி நிதி ஒதுக்கீடு – மத்திய நிதியமைச்சர் நிர்மலா சீதாராமன்.

நாடு முழுவதும் கொரோனா அச்சுறுத்தலால் கடந்த மார்ச் 24 ஆம் தேதி முதல் 3 கட்டமாக ஊரடங்கு அமலில் உள்ளது. இந்த காலம் மே 17 ஆம் தேதியுடன் நிறைவடைய இருந்த நிலையில், நாட்டு மக்களிடையே உரையாற்றிய பிரதமர் மோடி நான்காவது கட்ட ஊரடங்கை அறிவித்தார். இதனிடையே, பொதுமுடக்கத்தால் மக்கள் வீட்டிலேயே முடங்கி இருக்கும் சூழல் ஏற்பட்டுள்ளது. இதனால் மக்களின் அன்றாட வாழ்கை கடுமையாக பாதிக்கப்பட்டுள்ளது. இதன் விளைவால் நாடும் கடும் பொருளாதார சரிவை கண்டுள்ளது. 

இந்நிலையில், பிரதமர் மோடி அறிவித்த, ரூ.20 லட்சம் கோடி நாட்டின் பொருளாதார மேம்பாட்டு சிறப்பு திட்டத்திற்கான முதல் கட்ட  அறிவிப்புகளை மத்திய நிதியமைச்சர் நிர்மலா சீதாராமன் வெளியிட்டார். இந்த முதல் கட்ட அறிவிப்பில், சிறு, குறு நடுத்தர தொழில்களை மேம்படுத்துவதற்கான ரூ.5.94 லட்சம் கோடிக்கான திட்டங்களை அறிவித்திருந்தார். இதையடுத்து நேற்று 2 ம் கட்ட அறிவிப்பில், புலம்பெயர்ந்த தொழிலாளர்கள், சிறு வியாபாரிகள், விவசாயிகள் மற்றும் நடைபாதை வியாபாரிகள் ஆகியோருக்கான 9 முக்கிய திட்டங்கள் மத்திய நிதியமைச்சர் அறிவித்துள்ளார். இதில் குறிப்பாக சாலையோர வியாபாரிகளுக்கு கடன் வழங்குவதற்கான ரூ.50,000 கோடி நிதி ஒதுக்கீடு என்றும் இந்த திட்டத்தில் ரூ. 10,000 வரை கடன் வழங்கப்படும் என்று கூறியுள்ளார்.