வந்தே பாரத் எக்ஸ்பிரஸ் ரயிலில் திடீரென ஏற்பட்ட தீ..! பதற்றத்தில் பயணிகள்..!

Firebreaksout [File Image]

போபால்-டெல்லி வந்தே பாரத் எக்ஸ்பிரஸ் ரயில் பெட்டியில் தீ விபத்து ஏற்பட்டுள்ளது.

இன்று காலை மத்தியப் பிரதேசத்தில் உள்ள குர்வாய் கெத்தோரா நிலையத்தில் போபாலில் இருந்து டெல்லி நோக்கிச் சென்று கொண்டிருந்த வந்தே பாரத் எக்ஸ்பிரஸ் ரயில் பெட்டியில் திடீரென தீ விபத்து ஏற்பட்டுள்ளது. தீ பிடித்த ரயிலின் சி-14 பெட்டியில் 36 பயணிகள் இருந்ததாக கூறப்படுகிறது.

தீவிபத்து ஏற்பட்டதை அறிந்ததும் ரயில் நிறுத்தப்பட்டு பயணிகள் அனைவரும் பத்திரமாக வெளியேற்றப்பட்டுள்ளனர். இதன்பின், தீயணைப்பு படையினருக்கு தகவல் தெரிவிக்கப்பட்ட நிலையில் சம்பவ இடத்திற்கு வந்து தீயை அணைக்கும் பணியில் ஈடுபட்டனர்.

வந்தே பாரத் ரயிலின் சி-14 பெட்டியின் பேட்டரியில் தீ ஏற்பட்டுள்ளதாக கூறப்படுகிறது. இந்த ரயில் மத்தியப் பிரதேச மாநிலத்தின் முதல் வந்தே பாரத் ரயில் ஆகும். இதனை ஏப்ரல் 1ம் தேதி பிரதமர் நரேந்திர மோடி கொடியசைத்துத் தொடங்கி வைத்தார் என்பது குறிப்பிடத்தக்கது.