‘ஆவாஸ் யோஜனா’ கீழ் ரூ. 3.65 கோடி வேலைகள் உருவாக்கம் – ஹர்தீப் பூரி

அவாஸ் யோஜனா திட்டத்தின் கீழ்  3.65 கோடி வேலைகள் உருவாக்கப்படும் அமைச்சர் ஹர்தீப் சிங் தெரிவித்துள்ளார்.

நாட்டில் பிரதான் மந்திரி அவாஸ் யோஜனா திட்டத்தின் கீழ் அனுமதிக்கப்பட்ட வீடுகளை நிர்மாணிப்பதில் சுமார் 3.65 கோடி வேலைகள் உருவாக்கப்படும் என்று மத்திய அமைச்சர் ஹர்தீப் சிங் பூரி நேற்று தெரிவித்தார்.

இந்திய தொழில்துறை ஆலோசனை கூட்டத்தில் காணொளி மூலம் பேசிய ஹர்தீப் சிங் பூரி, இதுவரை 1.65 கோடி வேலைகள் ஏற்கனவே PMAY – ன் கீழ் உருவாக்கப்பட்டுள்ளன.

1.12 கோடி கோரிக்கைக்கு எதிராக அமைச்சகம் 1.07 கோடி வீடுகளுக்கு அனுமதி அளித்துள்ளதாகவும் இவற்றில் 67 லட்சம் வீடுகள் கட்டுமானத்திற்காக களமிறக்கப்பட்டுள்ளதாகவும் இதுவரை 35 லட்சம் வீடுகள் வழங்கப்பட்டுள்ளதாகவும் மத்திய வீட்டுவசதி மற்றும் நகர்ப்புற விவகார அமைச்சர் தெரிவித்தார்.

மேலும் அவர் கூறுகையில், அனுமதிக்கப்பட்ட அனைத்து வீடுகளையும் நிர்மாணிப்பதில் 3.65 கோடி வேலைகள் உருவாக்கப்படும் என்று மதிப்பிடப்பட்டுள்ளது. இதில் இதுவரை 1.65 கோடி வேலைகள் PMAY – ன் கீழ் அமைக்கப்பட்ட வீடுகளை நிர்மாணிப்பதில் ஏற்கனவே உருவாக்கப்பட்டிருக்கும்  என்று அவர் கூறினார்.

தற்போது, ​​18 நகரங்களில் சுமார் 700 கிலோமீட்டர் மெட்ரோ நெட்வொர்க் நீளம் செயல்பட்டு வருவதாகவும் 27 நகரங்களில் சுமார் 900 கிமீ நெட்வொர்க் கட்டுமானத்தில் உள்ளது என்றும் அவர் கூறினார்.