Cauvery Issue: காவிரி நீர் விவகாரம் – உச்சநீதிமன்றத்தில் கர்நாடக அரசு அவசர மனு தாக்கல்!

இதனைத்தொடர்ந்து,  காவேரி மேலாண்மை வாரியம் 5 ஆயிரம் கன அடி தண்ணீர் திறக்க உத்தரவிட்டது. ஆனாலும், தங்களுக்கு தண்ணீர் பற்றாக்குறை உள்ளதால் தமிழகத்திற்கு தண்ணீர் திறக்க முடியாது என கர்நாடக அரசு திட்டவட்டமாக தெரிவித்து வருகிறது. அதுமட்டுமில்லாமல், காவிரி விவகாரம் தொடர்பாக உச்சநீதிமன்றத்தை நாடுவோம் எனவும் அம்மாநில முதலமைச்சர் சித்தராமையா தெரிவித்தார்.

இந்த சமயத்தில், காவிரி நீர் விவகாரம் தொடர்பாக காவிரி மேலாண்மை ஆணைய உத்தரவிற்கு எதிராக கர்நாடக அரசு சார்பில் உச்சநீதிமன்றத்தில் மனு தாக்கல் செய்யப்பட்டுள்ளது. இதனிடையே, நாளைக்கு உச்சநீதிமன்றத்தில் காவிரி நதிநீர் பங்கீடு தொடர்பாக வழக்கு விசாரணைக்கு வர உள்ளது. உச்சநீதிமன்றம் தான் எங்களது ஒரே நம்பிக்கை என தமிழக அமைச்சர் துரைமுருகன் தெரிவித்திருந்தார்.