ஆளாளுக்கு ஒன்னோனு சொல்றாங்க.. டெல்லியில் கொரோனா உயிரிழப்பு எவ்வளவு ?

டெல்லியில் கொரோனா வைரஸின் தாக்கம் நாளுக்கு நாள் அதிகமடைந்து வரும் நிலையில், அம்மாநிலத்தில் நேற்றைய நிலவரப்படி, மொத்தமாக 32,810 பேர் கொரோனா தோற்றால் பாதிக்கப்பட்ட நிலையில், 984 பேர் உயிரிழந்த்துள்ளதாக அம்மாநில அரசு தெரிவித்துள்ளது.

இந்நிலையில், கொரோனாவுக்கு 984 பேர் உயிரிழந்ததாக அரசு கூறிய நிலையில், மொத்தமாக 2,098 சடலங்களை அடக்கம் செய்ததாக மாநகராட்சி தரப்பில் தகவல் வெளியானது, சர்ச்சையை ஏற்படுத்தியுள்ளது.

மேலும், அம்மாநில தெற்கு மாநகராட்சியில் 1,080 பேர் உயிரிழந்துள்ளதாகவும், வடக்கு மாநகராட்சியில் 976 மற்றும் கிழக்கு டெல்லியில் 42 சடலங்களை அடக்கம் செய்துள்ளதாக மாநகராட்சி சார்பில் தகவல் தெரிவித்தது சர்ச்சையை ஏற்படுத்தியுள்ளது.