உத்திர பிரதேசத்தில் கள்ளக்காதலர்கள் முகத்தில் கரியை பூசி, மொட்டையடித்து, செருப்பு மாலை அணிவித்த உள்ளூர் வாசிகள்!

உத்தரபிரதேச மாநிலத்தில் உள்ள ஆக்ராவில் கள்ள தொடர்பு இருப்பதாக கூறி இருவர் முகத்தில் கரியை பூசி அவர்களுக்கு செருப்பு மாலை அணிவித்து அடித்த உள்ளூர்வாசிகளின் வீடியோ இணையத்தில் வைரலாகியதை அடுத்து, காவலர்கள் தாக்குதல் நடத்திய மூவரை கைது செய்துள்ளனர்.

பொதுவாக தற்போதைய காலகட்டத்தில் கணவன், மனைவி எனும் புனிதமான உறவை தவிர்த்து மற்றொரு தகாத உறவுக்குள்ளும் சிலர் சென்றுவிடுவதால் குடும்பம் குழைந்து விடுவதுடன், பிறர் நிம்மதியும் கெடுகிறது. இதில் குடும்பத்தினர் தலையிட முடியாத பட்சத்தில் வெளியிலுள்ள மக்கள் இந்த பிரச்சினைக்கு தீர்வு காண முயற்சிப்பது வழக்கம்.

அதுபோல உத்திரப்பிரதேச மாநிலம் ஆக்ராவில் கள்ளத்தொடர்பு இருப்பதாக கூறி ஒரு ஆண் மற்றும் பெண் ஆகிய இருவரையும் கையும் களவுமாக பிடித்த உள்ளூர்வாசிகள் அவர்களது முகத்தில் கரியைப் பூசி, மொட்டையடித்து  செருப்பால் மாலை அணிவித்துள்ளனர். மேலும் அவர்களுக்கு தர்ம அடி கொடுத்துள்ளனர். இது தொடர்பான வீடியோ இணையதளத்தில் வைரலாகியதையடுத்து தாக்குதலில் தொடர்புடைய காவலர்கள் உள்ளூர்வாசிகள் 3 பேரை கைது செய்துள்ளதாக தகவல் வெளியாகியுள்ளது.