ஐஎன்எக்ஸ் மீடியா வழக்கில் எந்த அதிகாரியும் தவறு செய்யவில்லை-சிதம்பரம் ட்வீட்

ஐஎன்எக்ஸ் மீடியா வழக்கில் எந்த அதிகாரியும் தவறு செய்யவில்லை என்று முன்னாள் மத்திய நிதியமைச்சர் ப.சிதம்பரத்தின் ட்விட்டர் பக்கத்தில் தெரிவிக்கப்பட்டுள்ளது.

ஐஎன்எக்ஸ் மீடியா வழக்கில் ,முன்னாள் மத்திய நிதியமைச்சர் ப.சிதம்பரத்தை செப்டம்பர் 19-ஆம் தேதி வரை நீதிமன்ற காவலில் திகார் சிறையில் அடைக்க டெல்லி சிறப்பு நீதிமன்றம் உத்தரவு பிறப்பித்தது நீதிமன்ற காவலில் வைக்க உத்தரவிட்டதை தொடர்ந்து அவர் திகார் சிறையில் அடைக்கப்பட்டார்.

இந்த நிலையில் சிறையில் உள்ள ப.சிதம்பரம் சார்பாக அவரது குடும்பத்தார் ட்விட்டரில் பதிவிட்டுள்ளனர்.அந்த பதிவில்,சில மக்கள் என்னிடம்,இந்த ஒப்பந்தத்தில் கோப்புகளை முன்மொழிந்த எந்த அதிகாரிகளும் கைது செய்யப்படவில்லை. ஆனால் இறுதியாக கையெழுத்திட்ட நீங்கள் மட்டும் எப்படி கைது செய்யப்பட்டீர்கள் என்று கேள்விகள் எழுப்புகிறார்கள் .ஆனால் எந்த அதிகாரியும் தவறு செய்யவில்லை. அதிகாரிகள் கைது செய்யப்படுவதை நான் விரும்பவில்லை என்று ட்விட்டரில் பதிவிடப்பட்டுள்ளது.