டெல்லியில் ஹோட்டல்கள் ,மண்டபங்களில்  20,000 படுக்கைகளை அமைக்க திட்டம்

டெல்லியில்  ஒரே நாளில் 2,224 பேருக்கு கொரோனா உச்சத்தை தொட்டது . ஹோட்டல் மற்றும் மண்டபகங்களில்  20,000 படுக்கைகளை அமைக்க திட்டம் .

டெல்லியில் கொரோனா வைரஸ் பாதிப்பு  அதிகரித்துள்ள நிலையில் இதனால் மருத்துவமனைகளில் நோயாளிகள் படுக்கைகளுக்கு சிரமப்படும் நிலை ஏற்பட்டுள்ளது. டெல்லியில் உள்ள ஹோட்டல் மற்றும் மண்டபகங்களில்  20,000 படுக்கைகளை அமைக்க ஆம் ஆத்மி அரசு திட்டமிட்டுள்ளது. 80 விருந்து அரங்குகளில் சுமார் 11,000 படுக்கைகள் ஏற்பாடு செய்யப்படும், மேலும் ஒரு வாரத்தில் 40 ஹோட்டல்களில் 4,000 படுக்கைகள் ஏற்பாடு செய்யப்படும் என டெல்லி அரசு தெரிவித்துள்ளது . நர்சிங் இல்லங்களில் நிலைமையை பொறுத்து மீதமுள்ள 5,000 படுக்கைகளை அமைக்கப்படும் என தெரிவித்துள்ளது .

டெல்லியில் கடந்த 24 மணிநேரத்தில் 2,224 பேருக்கு கொரோனா தொற்று இருப்பது உறுதி செய்யப்பட்டுள்ளது .இந்த எண்ணிக்கை தான் ஒரு நாளில் இதுவரை பதிவான எண்ணிக்கையில் அதிகபட்ச எண்ணிக்கையாகும்.இதனால் கொரோனாவால் பாதிக்கப்பட்டவர்களின் எண்ணிக்கை 41,182 கடந்துள்ளது .இதுவரை 1,327 பேர் இறந்துள்ளனர்,24,032 பேர் சிகிச்சை பெற்று வருகின்றனர். .இதில் 15,823 பேர் குணமடைந்து வீடு திரும்பியுள்ளனர்