கேரளாவில் இன்று பல்வேறு வளர்ச்சித் திட்டங்களை தொடங்கி வைத்தார் பிரதமர் மோடி.!

திருவனந்தபுரத்தில் இன்று பல்வேறு வளர்ச்சித் திட்டங்களையும் அவர் தொடங்கி வைத்தார். 

கேரளா: கேரளாவிற்கு இரண்டு நாள் பயணமாக வருகை புரிந்த பிரதமர் மோடி இன்று ரூ.3,200 கோடி மதிப்பிலான திட்டங்களை தொடங்கி வைத்தார் பிரதமர் நரேந்திர மோடி.

வந்தே பாரத் ரயில்:

அதில் முதற்கட்டமாக, கேரள மாநிலத்தின் திருவனந்தபுரத்தில் இருந்து காசர்கோடு வரை இயக்கப்படும் கேரளாவின் முதல் வந்தே பாரத் எக்ஸ்பிரஸை பிரதமர் நரேந்திர மோடி இன்று  கொடியசைத்து தொடங்கி வைத்தார்.

இந்த ரயில் திருவனந்தபுரம் மற்றும் காசர்கோடு இடையேயான 586 கிமீ தூரத்தை 8 மணி நேரத்தில் கடக்கும் என்று கூறப்படுகிறது. மேலும், காசர்கோடு முதல் ரயில் சேவை ஏப்ரல் 26ம் தேதியும், திருவனந்தபுரத்தில் இருந்து ஏப்ரல் 28ம் தேதி முதல் ரயில் சேவையும் தொடங்கும்.

டிஜிட்டல் அறிவியல் பூங்கா:

இதையடுத்து, திருவனந்தபுரத்தில் டிஜிட்டல் அறிவியல் பூங்காவிற்கு பிரதமர் அடிக்கல் நாட்டினார். இந்த டிஜிட்டல் அறிவியல் பூங்கா, கல்வியாளர்களுடன் இணைந்து தொழில் மற்றும் வணிக பிரிவுகளால் டிஜிட்டல் தயாரிப்புகள் மற்றும் சேவைகளை மேம்படுத்துவதற்கான ஒரு முக்கிய ஆராய்ச்சி வசதியாக இருக்கும்.

நீர்வழி மெட்ரோ சேவை:

பின்னர், நாட்டில் முதல் முறையாக கொச்சியில் உள்ள 10 தீவுகளை இணைக்கும் பேட்டரியில் இயங்கும் கொச்சி நீர்வழி மெட்ரோ திட்டத்தை பிரதமர் தொடங்கி வைத்தார்.

உயர்நீதிமன்றம்-போல்காட்டி-வைபீன் வழித்தடத்திலும், வைட்டிலா-காக்கநாடு வழித்தடத்திலும் ஏசி எலக்ட்ரிக்-ஹைப்ரிட் படகு சேவை, இந்த இடங்களுக்கு இடையிலான பயண நேரத்தை குறைக்கும்.

நகரில் இருந்து காக்கநாடு பகுதிக்கு செல்லும் போது, சாலைகளில் கடும் போக்குவரத்து நெரிசலால் அவதிப்படும் மக்களுக்கு, வைட்டிலா-காக்கநாடு சேவை பெரிதும் உதவுகிறது.