3 நாட்கள் பயணம் ! ஆலோசனை கூட்டத்தில் பங்கேற்ற ராகுல்காந்தி

வயநாடு கலெக்டர் அலுவலகத்தில் நடைபெற்ற ஆலோசனை கூட்டத்தில் பங்கேற்றுள்ளார் ராகுல்காந்தி. 

காங்கிரஸ் எம்.பி ராகுல்காந்தி 3 நாள் பயணமாக தனது சொந்த தொகுதியான கேரள மாநிலம் வயநாட்டிற்கு சென்றுள்ளார்.இதற்காக நேற்று சிறப்பு விமானம் மூலம் கண்ணூர் சென்றடைந்தார்.விமானநிலையத்தில் கேரள காங்கிரஸ் தலைவர்கள் ரமேஷ் சென்னிதலா உள்ளிட்ட காங்கிரஸ் நிர்வாகிகள் ராகுல் காந்தியை வரவேற்றனர்.

இந்நிலையில் வயநாடு கலெக்டர் அலுவலகத்தில் நடைபெற்ற  ஆலோசனை கூட்டத்தில் பங்கேற்றுள்ளார்.வயநாடு  மாவட்டத்தில் கொரோனாவால் பாதிக்கப்பட்டவர்கள் விவரம், சிகிச்சையில் இருப்போர் விவரங்கள் உள்ளிட்டவற்றை மாவட்டஆட்சியர் மற்றும் அதிகாரிகளிடம் ராகுல் காந்தி கேட்டறிந்தார்.

நேற்று ராகுல்காந்தி மலப்புரம்  கலெக்டர் அலுவலகத்தில் நடக்கும் ஆலோசனை கூட்டத்திலும் பங்கேற்றார் என்பது குறிப்பிடத்தக்கது.