உண்மையான ஹீரோக்கள்,தேசபக்தர்கள் அவர்கள்தான் -ராகுல் காந்தி

சுகாதாரப் பணியாளர்கள் தான் உண்மையான ஹீரோக்கள் என்றும் தேசபக்தர்கள் என்றும் ராகுல் காந்தி தெரிவித்துள்ளார்.

இந்தியாவில் கொரோனா வைரஸ் தாக்கம் தினமும் அதிகரித்து கொண்டே செல்கிறது. கொரோனா வைரஸ் பரவாமல் இருக்க 21 நாள்களுக்கு ஊரடங்கு உத்தரவு பிறப்பிக்கப்பட்டுள்ளது. இதனால் பொதுமக்கள் அத்தியாவசிய பொருள்களை வாங்க தவிர வேற எதற்காகவும் வெளியில் வர கூடாது என அறிவுறுத்தப்பட்டுள்ளது.ஆனால் கொரோனா பணியில் மருத்துவர்கள் ,செவிலியர்கள் உள்ளிட்டவர்கள் தொடர்ந்து பணியில் ஈடுபட்டு வருகின்றனர்.

இந்நிலையில் இது குறித்து காங்கிரஸ் எம்பி ராகுல் காந்தி அறிக்கை வெளியிட்டுள்ளார்.அவரது அறிக்கையில்,இந்த நாட்டிற்காக போராடும் செவிலியர்கள் சுகாதாரப் பணியாளர்கள், அங்கன்வாடி பணியாளர்கள் உள்ளிட்ட  உண்மையான தேச பக்தர்களுக்கு நாம் நன்றிக்கடன் பட்டுள்ளோம் . நாட்டின் தேவை உணர்ந்து அதற்காக சேவை செய்வதே உண்மையான தேசப்பற்று. ஊடக வெளிச்சத்திற்கு வராமல் உண்மையாக உழைக்கும் அவர்களே உண்மையான ஹீரோக்கள் என்று தெரிவித்துள்ளார்.