ஆகஸ்ட் மாதத்தில் இந்தியாவில் 20 லட்சத்திற்கும் அதிகமான பயனர்களை தடை செய்தது வாட்ஸ்அப்!

வாட்ஸ்அப்பின் மாதாந்திர அறிக்கையில், ஆகஸ்ட் மாதத்தில் இந்தியாவில் 20 லட்சத்திற்கும் மேற்பட்ட கணக்குகளுக்கு தடை.

வாட்ஸ்அப்பின் மாதாந்திர அறிக்கையில், ஆகஸ்ட் மாதத்தில் இந்தியாவில் 20 லட்சத்திற்கும் மேற்பட்ட கணக்குகளை தடை செய்துள்ளதாக தெரிவித்துள்ளது. ஆகஸ்ட் மாதத்தில் 420 புகார்களை வாட்ஸ்அப் பெற்றுள்ளது. இதன் மூலம் 20,70,000 கணக்குகளைத் தடை செய்வதற்கு தானியங்கி அல்லது மொத்த செய்திகளின் முறையற்ற பயன்பாடு ஒரு முக்கிய காரணம் என்று கூறப்படுகிறது.

இந்தியாவில், தானியங்கி (automated messaging) செய்திகளில் ஈடுபடும் 95% கணக்குகள் தடை செய்யப்பட்டுள்ளன. ஒரு இந்திய கணக்கு +91 தொலைபேசி எண் மூலம் அடையாளம் காணப்படுகிறது. ஆகஸ்ட் மாதத்தில் வாட்ஸ்அப் 420 பயனர்களிடம் இருந்து புகார்களை பெற்றுள்ளது. இதில் கணக்கு ஆதரவுக்காக 105, தடை முறையீடுகளுக்கு 222, மற்ற உதவிக்கு 34, தயாரிப்பு ஆதரவுக்காக 42 மற்றும் பாதுகாப்புக்காக 17 ஆகியவை அடங்கும்.

இதுகுறித்து கூறுகையில், வாட்ஸ்அப் தனது ஆதரவு பக்கத்தில், புகார் சேனல் மூலம் பயனர் புகார்களைப் பெறும்போது, மேசேஜிங் செயலி மூலம் தீங்கு விளைவிக்கும் நடத்தைகளைத் தடுக்க கருவிகள் மற்றும் ஆதாரங்களை பயன்படுத்துகிறது. இந்த பயனர் பாதுகாப்பு அறிக்கையில் பெறப்பட்ட பயனர் புகார்களின் விவரங்கள் மற்றும் அதனுடன் தொடர்புடைய நடவடிக்கை வாட்ஸ்அப் மூலம் எடுக்கப்பட்டது.

தீங்கு விளைவிக்கும் அல்லது தேவையற்ற செய்திகளை அளவில் அனுப்புவதிலிருந்து கணக்குகளைத் தடுப்பதே எங்கள் முக்கிய கவனம். அதிக அல்லது அசாதாரணமான செய்திகளை அனுப்பும் கணக்குகளை அடையாளம் காண மேம்பட்ட திறன்களை நாங்கள் பராமரிக்கிறோம். எங்களை அணுகும் பெரும்பாலான பயனர்கள் தங்கள் கணக்கைத் திரும்பப் பெறுவதை நோக்கமாகக் கொண்டுள்ளனர்

முன்னதாக, வாட்ஸ்அப் நாற்பத்தாறு நாட்களில் மூன்று மில்லியனுக்கும் அதிகமான கணக்குகளை தடை செய்ததாக தெரிவித்திருந்தது. இந்தியா உள்ளிட்ட உலகெங்கிலும் தவறாக முயற்சிக்கும் மில்லியன் கணக்கான கணக்குகளை தடை செய்துள்ளது. இந்தியாவில் தானியங்கி அல்லது மொத்தமாக செய்தி அனுப்புவதில் ஈடுபடும் கணக்குகளில் 95 சதவிகிதத்திற்கும் அதிகமானவை.